Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Eru fiskar í Dauðahafinu?

Dauðahafið er sérstakur staður fyrir margra hluta sakir. Vatnið liggur í Jórdan sigdalnum á mörkum Vesturbakkans, Ísraels og Jórdaníu. Það er lægsti punktur á yfirborði jarðar eða 418 metra undir sjávarmáli.

Á hebresku hefur vatnið ýmist verið kallað Yam ha-melah sem þýða má sem saltsjór, eða Yam ha-Mavet sem útleggst á íslensku sem dauðahaf. Á arabísku kallast það Al Bahr al Mayyit sem einnig þýðir dauðahaf.



Dauðahafið er of salt fyrir flestar lífverur. Hin mikla selta gerir mannfólkinu hins vegar kleyft að fljóta í vatninu.

Þetta nöturlega nafn er tilkomið vegna hinnar gríðarlegu seltu vatnsins sem mælist um 26-35%. Dauðahafið er því um 10 sinnum saltara en sjórinn, en nánar má lesa um það í svari Sigurðar Steinþórssonar við spurningunni Af hverju er Dauðahafið svona salt?

Það er vegna þessarar miklu seltu hvorki fiskar né aðrar stærri sjávarlífverur þrífast í vatninu. Eina lífið sem þar finnst eru smásæir þörungar og gerlar.

Heimild og mynd:

Útgáfudagur

14.6.2006

Spyrjandi

Aron Baldursson, f. 1994

Höfundur

Jón Már Halldórsson

líffræðingur

Tilvísun

Jón Már Halldórsson. „Eru fiskar í Dauðahafinu? “ Vísindavefurinn, 14. júní 2006. Sótt 12. desember 2019. http://visindavefur.is/svar.php?id=6013.

Jón Már Halldórsson. (2006, 14. júní). Eru fiskar í Dauðahafinu? Vísindavefurinn. Sótt af http://visindavefur.is/svar.php?id=6013

Jón Már Halldórsson. „Eru fiskar í Dauðahafinu? “ Vísindavefurinn. 14. jún. 2006. Vefsíða. 12. des. 2019. <http://visindavefur.is/svar.php?id=6013>.

Chicago | APA | MLA

Sendu inn spurningu
eða

Vísindadagatalið

Kristín Norðdahl

1956

Kristín Norðdahl er dósent í náttúrufræðimenntun við deild faggreinakennslu á Menntavísindasviði HÍ. Rannsóknir hennar beinast m.a. að hugmyndum leikskólabarna um náttúruna og hvernig má bregðast við þeim í skólastarfi.