Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Er fjallvegurinn Brattabrekka kenndur við bæinn Bratta eða kemur heitið frá því að brekkan er brött?

Upprunalega hljóðaði spurningin svona:
Er fjallvegurinn Brattabrekka kenndur við bæinn Bratta eða kemur heitið frá því að brekkan er brött? Ef kennt við bæinn Bratta hvort á þá að segja: ég fór um Brattabrekku ..... eða Bröttubrekku? Í fjölmiðlum sýnist mér þetta vera sitt og hvað.

Brattabrekka er fjallvegur á milli Dalasýslu og Borgarfjarðar, nánar tiltekið milli Suðurárdals (sem liggur suður úr Sökkólfsdal) og Bjarnardals (sem liggur út úr Norðurárdal) (Dalasýsla, 33). Enginn bær með nafninu Bratti er þekktur á þessum slóðum en nafnið á fjallveginum kemur fyrir í fornsögum, meðal annars Grettis sögu (Íslenzk fornrit VII, 219) þar sem nafnið er í þolfalli, (yfir) Brattabrekku.

Brattabrekka.

Nafnið er annaðhvort dregið af lýsingarorðinu brattur eða nafnorðinu bratti og verður ekki skorið úr því hvort heldur er. Þannig er hægt að beygja nafnið á báða vegu, (um, frá, til) Brattabrekku eða Bröttubrekku í aukaföllunum.

Heimildir og mynd:

  • Dalasýsla. Sýslu- og sóknalýsingar Hins íslenska bókmenntafélags 1839-1855. Einar G. Pétursson sá um útgáfuna. Reykjavík 2003.
  • Grettis saga Ásmundarsonar. Íslenzk fornrit VII. Guðni Jónsson gaf út. Reykjavík 1936.
  • Mynd: Mats: Íslandsmyndasafn © Mats Wibe Lund. (Sótt 8. 4. 2014).

Útgáfudagur

30.4.2014

Spyrjandi

Rafn Haraldsson

Höfundur

Svavar Sigmundsson

fyrrv. forstöðumaður Örnefnastofnunar

Tilvísun

Svavar Sigmundsson. „Er fjallvegurinn Brattabrekka kenndur við bæinn Bratta eða kemur heitið frá því að brekkan er brött?“ Vísindavefurinn, 30. apríl 2014. Sótt 20. október 2018. http://visindavefur.is/svar.php?id=62354.

Svavar Sigmundsson. (2014, 30. apríl). Er fjallvegurinn Brattabrekka kenndur við bæinn Bratta eða kemur heitið frá því að brekkan er brött? Vísindavefurinn. Sótt af http://visindavefur.is/svar.php?id=62354

Svavar Sigmundsson. „Er fjallvegurinn Brattabrekka kenndur við bæinn Bratta eða kemur heitið frá því að brekkan er brött?“ Vísindavefurinn. 30. apr. 2014. Vefsíða. 20. okt. 2018. <http://visindavefur.is/svar.php?id=62354>.

Chicago | APA | MLA

Frekara lesefni á Vísindavefnum

Sendu inn spurningu
eða

Vísindadagatalið

Þorsteinn Helgason

1946

Þorsteinn Helgason er dósent emeritus í sagnfræði og sögukennslu við Menntavísindasvið HÍ. Rannsóknir hans hafa beinst að kennslufræði sögu, námsgagnagerð), gagnrýninni hugsun í kennslu, minningafræði og munnlegri sögu. Viðamestu verkefnin hafa fjallað um Tyrkjaránið á Íslandi 1627.