Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Það er tíðni hljóða sem ræður hvað mestu um hvernig við skynjum tónhæð þeirra, en tíðni er að jafnaði gefin upp í sveiflum á sekúndu eða í Hz. Að jafnaði geta menn heyrt hljóð frá tíðninni 20 Hz (mjög dimmir eða djúpir tónar) upp í 20.000 Hz (mjög bjartir eða skærir tónar).
Eins og spyrjandi virðist vita heyrir fólk ekki jafn vel á öllu þessu bili; yfirleitt er heyrnin best um miðbik þess eða í kringum 2000 til 4000 Hz. Þetta er einmitt það tíðnisvið sem mikilvægast er að heyra til að geta skilið mælt mál, sem skýrir líklega hvers vegna menn eru næmastir fyrir þessari tíðni hljóða. Verst er heyrnin svo fyrir tóna af lægstu tíðninni, þannig að styrkur bassatóna þarf að vera tiltölulega mikill til að maður greini þá.
Myndin sýnir svokallaðar jafnháværðarlínur, en fólki finnst tónar á sömu línu hljóma jafn háværir. Heyrnarþröskuldur gefur til kynna minnsta greinanlega hljóðstyrk fyrir hverja tíðni. Sársaukaþröskuldur segir til um hversu sterkt hljóð af tiltekinni tíðni þarf að vera til að fólki finnist sársaukafullt að heyra það.
Ekki eru allir jafn næmir á hljóð og er þetta að hluta til aldurstengt. Að jafnaði gildir að eldra fólk heyrir síður tóna af efri hluta tíðnisviðsins, en fullorðið fólk nær oft ekki að greina hljóð af tíðni yfir um 10.000 til 15.000 Hz.
Lesendur geta kannað heyrn sína með því að hlusta á hljóðskrár sem finna má á síðunni Test your sound system & ears. Þó verður að athuga að fæstir búa við bestu aðstæður til heyrnarmælinga og nokkuð víst að bakgrunnshljóð, svo sem hljóð frá tölvu notenda, geri mönnum erfiðara um vik að heyra tóna á mörkum skynsviðs síns. Eins er líklegt að bakgrunnshljóð hylji tóna af svipaðri tíðni og þau hafa sjálf.
Frekara lesefni á Vísindavefnum
Heiða María Sigurðardóttir. „Á hvaða tíðnisviði heyrir maðurinn best?“ Vísindavefurinn, 4. desember 2006, sótt 22. apríl 2025, https://visindavefur.is/svar.php?id=6420.
Heiða María Sigurðardóttir. (2006, 4. desember). Á hvaða tíðnisviði heyrir maðurinn best? Vísindavefurinn. https://visindavefur.is/svar.php?id=6420
Heiða María Sigurðardóttir. „Á hvaða tíðnisviði heyrir maðurinn best?“ Vísindavefurinn. 4. des. 2006. Vefsíða. 22. apr. 2025. <https://visindavefur.is/svar.php?id=6420>.
Sólin
Rís 05:30 • sest 21:24
Tunglið
Rís 05:49 • Sest 12:14
Flóð
Árdegis: 01:13 • Síðdegis: 13:58
Fjara
Árdegis: 07:51 • Síðdegis: 20:11
