Ungt fólk sem ég hef átt í samskiptum við er í sífellu að kalla hvert annað sjomli og sjomla. Hvað merkir það eiginlega?

Nafn þitt

Netfang þitt

Netfang móttakanda

Ruslpóstvörn =

Svar

Ungt fólk sem ég hef átt í samskiptum við er í sífellu að kalla hvert annað sjomli og sjomla. Hvað merkir það eiginlega?
Orðið sjomli er fremur nýtt í málinu og ekki á allra vörum. Ég hef leitað til yngra fólks og þekkja það margir en alls ekki allir. Sumir segja að það merki „gamli minn“, aðrir að það sé notað í merkingunni „spaði eða flottur gaur“ eins og ungur maður orðaði það. Það næsta sem ég hef komist upprunanum er að vinsældir orðsins megi rekja til smáskífu þeirra Friðriks Dórs, Auðuns Blöndal og Sveppa sem ber heitið Sjomleh. Textinn hefst svona:

Sjomleh hvernig ertu?

Mig langar að tengja.

Sjomle hvar ertu?

Mig langar að hengja

Mig á flösku

Fulla af landa ohhoo

Ég vil ekki stranda.

Lagið er að finna á YouTube Hvort þeir hafa sótt orðið annað er ekki vitað á þessari stundu.

---

Hjördís Kvaran Einarsdóttir sendi okkur þessa athugasemd um orðið sjomla á Facebook:

Það er alveg á hreinu að þetta er afbökun á orðinu gamli, varð djamli um tíma og þróaðist svo í sjomli. Engin önnur skýring til. Hins vegar þýðir gamli ekki að einhver sé gamall þarna heldur að hann sé góður, kúl, hafi tekist vel til með eitthvað, sérstaklega komi það á óvart eins og til dæmis að koma með flott og óvænt 'punchline' sem fær fólk til að hlæja.

...