Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað þýðir tilvitnunin 'animula vagula blandula' sem meðal annars sést í upphafi Nafns rósarinnar?

Spurningin í heild var:

Hvað þýðir 'animula vagula blandula'? Ég hef séð þessa tilvitnun víða, til dæmis í upphafi Nafns rósarinnar, en ekki séð þýðingu.

Orðin animula vagula blandula eru latnesk og þýða „litla sál, reikandi og þokkafull“.

Þau eru upphafið að kvæði sem Aelius Spartianus (líklega uppi á 3. eða 4. öld e.Kr.), ævisöguritari rómverska keisarans Hadríanusar (76-138 e.Kr.), segir keisarann hafa ort á dánarbeði sínu. Kvæðið sem Aelius Spartianus eignar Hadríanusi er eftirfarandi:

Animula vagula blandula

Hospes comesque corporis,

Quae nunc abibis in loca

Pallidula, rigida, nudula?

Nec, ut soles, dabis iocos.

Á íslensku hljómar textinn svo:

Litla sál, reikandi og þokkafull, líkamans gestur og félagi, til hvaða staða ferðu nú, fölleit, stíf og ber? Eigi muntu gamna þér eins og þú átt vana til.

Mynd: Image:Hadrien-ven.JPG. Wikimedia Commons.

Útgáfudagur

24.5.2007

Spyrjandi

María Skarphéðinsdóttir

Höfundur

Geir Þ. Þórarinsson

aðjúnkt í grísku og latínu við Háskóla Íslands

Tilvísun

Geir Þ. Þórarinsson. „Hvað þýðir tilvitnunin 'animula vagula blandula' sem meðal annars sést í upphafi Nafns rósarinnar?“ Vísindavefurinn, 24. maí 2007. Sótt 20. október 2017. http://visindavefur.is/svar.php?id=6654.

Geir Þ. Þórarinsson. (2007, 24. maí). Hvað þýðir tilvitnunin 'animula vagula blandula' sem meðal annars sést í upphafi Nafns rósarinnar? Vísindavefurinn. Sótt af http://visindavefur.is/svar.php?id=6654

Geir Þ. Þórarinsson. „Hvað þýðir tilvitnunin 'animula vagula blandula' sem meðal annars sést í upphafi Nafns rósarinnar?“ Vísindavefurinn. 24. maí. 2007. Vefsíða. 20. okt. 2017. <http://visindavefur.is/svar.php?id=6654>.

Chicago | APA | MLA

Sendu inn spurningu
eða

Vísindadagatalið

Veirur

Veirur eru örsmáar eindir, erfðaefni í prótínhylki. Þær geta ekki fjölgað sér sjálfar en sýkja lifandi hýsilfrumur og fá þær til að búa til nýjar veirur í stað þess að sinna reglulegri starfsemi sinni. Allar lífverur hafa sínar veirur, til eru veirur sem ráðast á bakteríufrumur, aðrar ráðast á frumur manna, enn aðrar á plöntur og svo framvegis.