Hinn 1. ágúst 1998 er áætlað að um 270 milljónir hafi búið í Bandaríkjunum eða rétt um 1000 sinnum fleiri en á Íslandi (Íslendingar voru um 275 þúsund 1. desember 1998). Búast má við nákvæmari tölum um fjölda Bandaríkjamanna vegna þess að manntal hefur verið nýframkvæmt þegar þetta er skrifað (í júlí 2000) en það er tekið 10. hvert ár. Tölur úr þessu manntali verða birtar fyrir lok ársins 2000. Sjá nánar á heimasíðu manntalsskrifstofu Bandaríkjanna (US Census Bureau).
Mynd: HB