Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað getið þið sagt mér um harpýjur?

Harpýjur eða sviptinornir eru hálfmennsk illfylgi með kvenmannshöfuð og beittar klær. Þær voru sagðar fljúga í burt með sálir látinna og voru stundum sýndar þannig á grafsteinum. Í kvæði gríska skáldsins Hesíódosar Goðakyni (265 o.áfr.) eru þær sagðar vera tvær, Aelló og Ókýpetes, dætur Þaumasar og Elektru Ókeanosardóttur. Í öðrum heimildum er Kelenó talin þriðja harpýjan.


Teikning af harpýju úr riti eftir ítalska náttúrufræðinginn Ulisse Aldrovandi (1522 - 1606).

Ein saga segir að vestanvindurinn Zefýros hafi átt með harpýjunum hestana Xanþos og Balíos, hesta Akkillesar, og Flogeos og Harpagos, hesta tvíburanna Kastors og Pollux.

Harpýjurnar koma fyrir í Eneasarkviðu eftir rómverska skáldið Virgil. Þar gera þær aðsúg að Eneasi og félögum hans með ógurlegu gargi og óheillaspám.

Mynd:

Útgáfudagur

11.2.2008

Spyrjandi

Þorgerður Þorleifsdóttir

Höfundur

Geir Þ. Þórarinsson

aðjúnkt í grísku og latínu við Háskóla Íslands

Tilvísun

Geir Þ. Þórarinsson. „Hvað getið þið sagt mér um harpýjur?“ Vísindavefurinn, 11. febrúar 2008. Sótt 15. nóvember 2018. http://visindavefur.is/svar.php?id=7059.

Geir Þ. Þórarinsson. (2008, 11. febrúar). Hvað getið þið sagt mér um harpýjur? Vísindavefurinn. Sótt af http://visindavefur.is/svar.php?id=7059

Geir Þ. Þórarinsson. „Hvað getið þið sagt mér um harpýjur?“ Vísindavefurinn. 11. feb. 2008. Vefsíða. 15. nóv. 2018. <http://visindavefur.is/svar.php?id=7059>.

Chicago | APA | MLA

Sendu inn spurningu
eða

Vísindadagatalið

Halldór Björnsson

1965

Halldór Björnsson er haf- og veðurfræðingur á Veðurstofu Íslands. Hann hefur stundað rannsóknir á sviði veðurfræði, veðurfarsfræði, haffræði, hafísfræði og loftslagskerfisfræði.