Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Frumefni númer 112 fundið

Frumefni númer 112 verður brátt opinberlega bætt í lotukerfið. Áður en efninu verður bætt inn þurfa uppgötvendur þess að gefa því varanlegt nafn, en eins og er kallast efnið ununbium, sem þýðir „einn einn tveir“ á latínu.


Öreindahraðall í Genf.

Efnið fannst fyrst fyrir tíu árum, en fyrst núna ríkir almenn sátt um að það sé í raun til. Ástæðan er sú að frumefni 112 er bæði gríðarlega óstöðugt og klofnar mjög hratt í smærri efni, og að enn sem komið er má bara búa efnið til í öflugum öreindahröðlum. Á síðustu tíu árum hefur aðeins tekist að búa til örfá atóm af frumefninu.

Öllum frumefnum er gefið númer eftir fjölda róteinda, það er jákvætt hlaðinna einda, í kjarna þeirra. Á síðustu þrjátíu árum hafa efnafræðingar uppgötvað frumefni númer 107 til 111 og árið 2006 tilkynntu vísindamenn í Rússlandi að þeir hefðu fundið frumefni númer 118, en það á enn eftir að staðfesta fund þeirra. Leitin að frumefni númer 120 stendur meðal annars yfir á rannsóknarstofum í Bandaríkjunum, Japan, Rússlandi og Þýskalandi.

Frekara lesefni á Vísindavefnum:

Útgáfudagur

16.6.2009

Spyrjandi

Ritstjórn

Efnisorð

Höfundur

Ritstjórn

ritstjórn Vísindavefsins

Tilvísun

Ritstjórn. „Frumefni númer 112 fundið.“ Vísindavefurinn, 16. júní 2009. Sótt 19. september 2017. http://visindavefur.is/svar.php?id=70804.

Ritstjórn. (2009, 16. júní). Frumefni númer 112 fundið. Vísindavefurinn. Sótt af http://visindavefur.is/svar.php?id=70804

Ritstjórn. „Frumefni númer 112 fundið.“ Vísindavefurinn. 16. jún. 2009. Vefsíða. 19. sep. 2017. <http://visindavefur.is/svar.php?id=70804>.

Chicago | APA | MLA

Sendu inn spurningu
eða

Vísindadagatalið

Lykt

Þegar við finnum lykt af tilteknu efni er það vegna þess að sameindir frá efninu hafa losnað út í loftið og komist í snertingu við svonefnda viðtaka í nefinu á okkur. Í nefholinu á okkur eru um 50 milljónir þefnema sem þekja um 5 fersentimetra af slímhúð. Talið er að heilbrigt nef geti fundið 10.000 mismunandi lyktartegundir.