Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Íslenskt stjörnukort fyrir desembermánuð

Á Stjörnufræðivefnum er hægt að nálgast íslenskt stjörnukort ásamt leiðarvísi fyrir byrjendur í stjörnuskoðun. Kortið miðast við himininn yfir Íslandi eins og hann lítur út á kvöldin í desember. Á vefnum er einnig stjörnukort af himninum sem uppfærist í rauntíma.

Margt er að sjá á næturhimninum í desember á alþjóðlegu ári stjörnufræðinnar. Eitt af því sem vekur athygli er að tunglið verður fullt tvisvar sinnum í mánuðinum, bæði í upphafi hans og á síðasta degi ársins, gamlársdegi. Þetta gerist stöku sinnum en síðasti mánuðurinn sem hafði tvö full tungl var júnímánuður 2007.



Sjöstirnið er auðþekktasta stjörnuþyrpingin á næturhimninum.

Hátt á lofti í suðaustri blasir við Sjöstirnið en það er án nokkurs vafa auðþekktasta stjörnuþyrpingin á næturhimninum. Það er stórt og bjart og lítur út eins og glitrandi stjörnuský. Með berum augum má sjá um 6-8 stjörnur sem raðast upp í mynstur sem minnir á Karlsvagninn. Í handsjónauka og stjörnusjónauka koma í ljós margfalt fleiri stjörnur í þyrpingunni.

Fyrir neðan Sjöstirnið á himninum er bjart og fallegt stjörnumerki sem nefnist Óríon. Það er auðþekkt á þremur björtum stjörnum í belti Óríons sem oft eru nefndar Fjósakonurnar. Fyrir neðan Fjósakonurnar er sverð Óríons. Í miðju þess er Sverðþokan sem sést með berum augum og er auðvelt að skoða í handsjónauka eða stjörnusjónauka. Sverðþokan er í raun risavaxin ,,stjörnuverksmiðja" og hefur Hubbles-sjónaukinn náð myndum af sólkerfum sem eru að fæðast inni í miðri þokunni.

Útgáfudagur

7.12.2009

Spyrjandi

Ritstjórn

Efnisorð

Höfundur

Ritstjórn

ritstjórn Vísindavefsins

Tilvísun

Ritstjórn. „Íslenskt stjörnukort fyrir desembermánuð.“ Vísindavefurinn, 7. desember 2009. Sótt 27. febrúar 2017. http://visindavefur.is/svar.php?id=70811.

Ritstjórn. (2009, 7. desember). Íslenskt stjörnukort fyrir desembermánuð. Vísindavefurinn. Sótt af http://visindavefur.is/svar.php?id=70811

Ritstjórn. „Íslenskt stjörnukort fyrir desembermánuð.“ Vísindavefurinn. 7. des. 2009. Vefsíða. 27. feb. 2017. <http://visindavefur.is/svar.php?id=70811>.

Chicago | APA | MLA

Sendu inn spurningu
eða

Vísindadagatalið

Plógur

Plógur er mikilvægasta tækið í ræktunarsögu manna. Fyrstu plógarnir voru dregnir af mönnum en síðar var farið að beita hestum og uxum fyrir plógana og enn síðar vélum. Gjörbreyting varð í evrópskum landbúnaði á miðöldum þegar þungur margblaða plógur var smíðaður. Átta uxum var breitt fyrir slíkan plóg. Í framhaldi af þessari tæknibyltingu átti sér stað mikil fólksfjölgun í Evrópu utan Miðjarðarhafssvæðisins.