Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Laugardaginn 2. apríl síðastliðinn buðu Raunvísindadeild og Raunvísindastofnun almenningi að skoða húsakynni sín og rannsóknir. Vísindavefurinn var með opið hús á skrifstofu sinni í Tæknigarði.
Fjölmargir mættu og var oft þröngt á þingi. Gestir og gangandi gátu skoðað starfsaðstöðu Vísindavefsins en þar má meðal annars finna veggspjöld um eldgos og hæsta fjall sólkerfisins en næsta haust kemur út spurningabók Vísindavefsins og Forlagsins um vísindi handa börnum og ber hún titilinn: Af hverju gjósa fjöll?
Vinningshafinn, Sólrún Dögg, ásamt bróður sínum, Guðjóni Þór.
Margir voru áhugasamir um vísindadagatalið, auk þess sem ritstjórnarmeðlimur voru spurðir út í ýmislegt sem tengist starfsemi Vísindavefsins. Sem fyrr bauð Vísindavefurinn upp á spurningakeppni og gátur. Einhverjir sátu við og fundu að lokum út hver hefði átt fiskinn í gátu Einsteins en fleiri spreyttu sig á hvar fjársjóðurinn væri falinn og hvað Gunna ætti að baka margar kökur.
Um 40 manns tóku þátt í spurningakeppninni. Margir höfðu öll svörin rétt og Sólrún Dögg var dregin út. Hún hlaut að launum eintak af vísindadagatalinu. Vísindavefurinn óskar henni innilega til hamingju og öllum hinum kærlega fyrir þátttökuna og komuna.
Sólin
Rís 08:47 • sest 17:36
Tunglið
Rís 22:12 • Sest 17:57
Flóð
Árdegis: 11:42 • Síðdegis: 24:27
Fjara
Árdegis: 05:08 • Síðdegis: 18:15
