Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Háskólalestin til Bolungarvíkur laugardaginn 13. ágúst!

Háskólalestin heldur nú áfram ferð sinni um landið en nú er komið að Bolungarvík! Þar verður lestin laugardaginn 13. ágúst með sannkallaða vísindaveislu.

Sem fyrr verður ýmislegt á boðstólnum fyrir unga sem aldna. Dagskráin fer fram á milli kl. 12 og 16 í Félagsheimilinu og Tónlistarskólanum. Sprengjugengið landsfræga verður með sýningar en það hefur svo sannarlega slegið í gegn í ferð Háskólalestarinnar um landið. Auk þess verður hægt að skyggnast inn í stjörnutjaldið, horfa og heyra í eldorgelinu, skoða ýmsar sýnitilraunir, furðuspegla og fornleifar. Japönsk og frönsk menning verður einnig í hávegum höfð.

Eitthvað fyrir alla!

Í tilefni af ástarvikunni munu fræðsluerindin snúast um ástir í nútíð og fortíð, á jörðu, himni og hafi. Hægt verður að hlýða á þau í fyrirlestrarsal Félagsheimilisins á milli kl. 13 og 16. Þar mun Guðbjörg Ásta Ólafsdóttir, forstöðumaður Rannsókna- og fræðaseturs HÍ í Bolungarvík, fjalla um makaleit á hafi og landi. Lára Magnúsardóttir, forstöðumaður Rannsókna- og fræðaseturs HÍ á Skagaströnd, mun tala um bannfærðar ástir, kynlíf og kirkjuna. Ragnar Edvardsson, fornleifafræðingur, mun ræða um ástir Rómverja til forna. Sóley Bender, prófessor við HÍ og forstöðumaður fræðasviðs um kynheilbrigði, flytur erindi sem ber heitið: Oft við Amor hef ég átt í erjum... og einn þú getur bjargað mér. Dagný Kristjánsdóttir, prófessor við HÍ í íslenskum nútímabókmenntum, fjallar um ástarsögur fyrr og nú. Að lokum mun Sævar Helgi Bragason, formaður Stjörnuskoðunarfélags Seltjarnarness, líta til himins og skoða rómantík stjarnanna.

Hluti sprengjugengisins að störfum!

Vísindavefurinn verður á sínum stað með spurningakeppni, þrautir og gátur. Hægt verður að skoða veggspjöld úr spurningabók Vísindavefsins og Forlagsins um vísindi handa börnum sem kemur út í haust og ber nafnið: Af hverju gjósa fjöll? Vísindadagatalið verður til sýnis en það var gefið út í tilefni 100 ára afmælis Háskóla Íslands. Dagatalið prýða 365 vísindamenn, einn fyrir hvern dag ársins.

Dagskrá Háskólalestarinnar er öllum opin, aðgangur er ókeypis og allir eru hjartanlega velkomnir.

Myndir:

Útgáfudagur

8.8.2011

Spyrjandi

Ritstjórn

Efnisorð

Höfundur

Ritstjórn

ritstjórn Vísindavefsins

Tilvísun

Ritstjórn. „Háskólalestin til Bolungarvíkur laugardaginn 13. ágúst!.“ Vísindavefurinn, 8. ágúst 2011. Sótt 20. september 2017. http://visindavefur.is/svar.php?id=70887.

Ritstjórn. (2011, 8. ágúst). Háskólalestin til Bolungarvíkur laugardaginn 13. ágúst!. Vísindavefurinn. Sótt af http://visindavefur.is/svar.php?id=70887

Ritstjórn. „Háskólalestin til Bolungarvíkur laugardaginn 13. ágúst!.“ Vísindavefurinn. 8. ágú. 2011. Vefsíða. 20. sep. 2017. <http://visindavefur.is/svar.php?id=70887>.

Chicago | APA | MLA

Sendu inn spurningu
eða

Vísindadagatalið

Kjarnorka

Kjarnorka er langöflugasta náttúrulega orkulindin sem til er. Hún á upptök sín í atómkjörnunum. Kjarnorka sólarinnar gerir líf á jörðinni mögulegt. Menn hafa nýtt kjarnorku á ýmsa vegu. Í kjarnorkuverum er keðjuverkandi kjarnaklofnun notuð til að framleiða gufu sem er síðan látin knýja hverfla til rafmagnsframleiðslu. Kjarnorka verður annars vegar til við klofnun þyngstu atómkjarna og hins vegar við samruna léttustu kjarnanna.