Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvernig líta vísindamenn út?

Tveir bekkir í Ísaksskóla unnu í vetur veggspjöld um stjörnufræði og fræddust um jarðvísindi. Við vinnuna notuðu þau mikið Vísindavefinn og þann fróðleik sem þar er að finna. Við námið kviknaði sú hugmynd hjá nemendunum að kanna hvernig þessir vísindamenn litu eiginlega út og hverjir það væru sem svöruðu öllum spurningum þeirra.

Kennararnir höfðu þess vegna samband við Vísindavefinn og fengu að koma í heimsókn í höfuðstöðvar Vísindavefsins í Tæknigarði. Að auki fengu nemendurnir að skoða tæki og tól eðlisefnafræðinga í kjallara Raunvísindastofnunar. Þar fræddi Elías H. Bjarnason, doktorsnemi í eðlisefnafræði, krakkana meðal annars um hvað gerist þegar rafeindir rekast á sameindir og sagði þeim frá ýmsum mælitækjum sem vísindamenn í eðlisefnafræði nota í sinni vinnu.

Elías H. Bjarnason, doktorsnemi í eðlisefnafræði, sagði krökkunum í Ísaksskóla frá því hvað gerist þegar rafeindir rekast á sameindir.

Á Vísindavefnum sagði Jón Gunnar Þorsteinsson, ritstjóri vefsins, frá því hvernig farið er að því að svara öllum þeim spurningum sem þangað berast. Krakkarnir höfðu meðal annars áhuga á að vita af hverju ekki væri hægt að ´nota bara allt sem þau gúggla á Google, af hverju eldfjöllin á Mars væru svona stór, af hverju fullorðið fólk stari oft svona mikið og hvort vísindamennirnir sem svara spurningum þeirra á Vísindavefnum væru allir á vísindadagatalinu sem þau sáu á skrifstofu Vísindavefsins og gefið var út á aldarafmæli skólans´.

Að heimsókn lokinni fengu nemendurnir eintök af vísindadagatali háskólans sem þau ætluðu að hengja upp í stofunni sinni. Nokkrir krakkanna sögðust vera vissir um að þá langaði til að verða vísindamenn þegar þau yrðu stór, en aðrir vildu taka sér lengri umhugsunarfrest til að ákveða það - enda bara níu ára núna!

Útgáfudagur

10.5.2012

Spyrjandi

Ritstjórn

Efnisorð

Höfundur

Ritstjórn

ritstjórn Vísindavefsins

Tilvísun

Ritstjórn. „Hvernig líta vísindamenn út?“ Vísindavefurinn, 10. maí 2012. Sótt 25. september 2017. http://visindavefur.is/svar.php?id=70902.

Ritstjórn. (2012, 10. maí). Hvernig líta vísindamenn út? Vísindavefurinn. Sótt af http://visindavefur.is/svar.php?id=70902

Ritstjórn. „Hvernig líta vísindamenn út?“ Vísindavefurinn. 10. maí. 2012. Vefsíða. 25. sep. 2017. <http://visindavefur.is/svar.php?id=70902>.

Chicago | APA | MLA

Sendu inn spurningu
eða

Vísindadagatalið

Smásjá

Smásjá er tæki til að skoða smáa hluti mikið stækkaða. Fyrstu smásjárnar voru líklega gerðar í Hollandi seint á 16. öld. Hollenski vísindamaðurinn Antonie van Leeuwenhoek (1632–1723) beitti smásjá við rannsóknir á smásæjum fyrirbærum. Hann er oft kallaður faðir örverufræðinnar.