Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Háskóli unga fólksins!

Háskóli unga fólksins er nú haldinn í níunda sinn en hann fer fram dagana 11.-15. júní. Þá fyllist háskólasvæðið af um 300 fróðleiksfúsum krökkum og unglingum sem fara á ýmis námskeið um allt milli himins og jarðar. Á Vísindavefnum voru þrjú námskeið sem 70 nemendur sóttu.

Áhugasamar stelpur á námskeiði Vísindavefsins!

Á námskeiðinu fengu nemendur að svara spurningum sem hafa borist Vísindavefnum. Þau unnu 2 og 3 saman að hverri spurningu, viðuðu að sér heimildum og skrifuðu stutt svör sem sum hver hafa nú þegar birst í flokknum Unga fólkið svarar á Vísindavefnum. Frá og með næstu viku munu öll svörin vera aðgengileg í áðurnefndum flokki og getur hver sem er skoðað þau þar.

Nemendurnir skrifuðu svör við fjölbreyttum spurningum svo sem um upphaf útvarpsins á Íslandi, hvenær Íslendingar fóru að drekka kaffi, hvaða pláneta væri næst Mars, hve oft Þýskaland hefði unnið í Evróvisjón, hvenær maður væri gamall og hverjir maóríar væru, svo fátt eitt sé nefnt. En nemendurnir svöruðu allt í allt um 30 spurningum.

Þessir strákar voru einbeittir í spurningakeppninni!

Í lok hvers námskeiðs var svo efnt til spurningakeppni þar sem nemendur fengu spurningablað með 15 spurningum en svörin við þeim öllum var að finna á Vísindavefnum. Markmiðið var að svara sem flestum spurningum á sem stystum tíma, sumir lögðu áherslu á að svara öllu vel og vandlega meðan aðrir reyndu að vera sem fljótastir. Sigurvegararnir voru svo leystir út með verðlaunum!

Myndir:

Útgáfudagur

14.6.2012

Spyrjandi

Ritstjórn

Efnisorð

Höfundur

Ritstjórn

ritstjórn Vísindavefsins

Tilvísun

Ritstjórn. „Háskóli unga fólksins!.“ Vísindavefurinn, 14. júní 2012. Sótt 20. september 2017. http://visindavefur.is/svar.php?id=70904.

Ritstjórn. (2012, 14. júní). Háskóli unga fólksins!. Vísindavefurinn. Sótt af http://visindavefur.is/svar.php?id=70904

Ritstjórn. „Háskóli unga fólksins!.“ Vísindavefurinn. 14. jún. 2012. Vefsíða. 20. sep. 2017. <http://visindavefur.is/svar.php?id=70904>.

Chicago | APA | MLA

Sendu inn spurningu
eða

Vísindadagatalið

Kjarnorka

Kjarnorka er langöflugasta náttúrulega orkulindin sem til er. Hún á upptök sín í atómkjörnunum. Kjarnorka sólarinnar gerir líf á jörðinni mögulegt. Menn hafa nýtt kjarnorku á ýmsa vegu. Í kjarnorkuverum er keðjuverkandi kjarnaklofnun notuð til að framleiða gufu sem er síðan látin knýja hverfla til rafmagnsframleiðslu. Kjarnorka verður annars vegar til við klofnun þyngstu atómkjarna og hins vegar við samruna léttustu kjarnanna.