Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað þýðir heitið Kleifar?

Í heild hljóðaði spurningin svona:
Staðarnafnið Kleifar er algengt. Kleifar í Skötufirði, Kleifar í Seyðisfirði. Magnea frá Kleifum (í Kalbaksvík). Svo hef ég heyrt talað um að Kleifarnar og hef skilið það þannig að fara fram á lága kletta til að sjá fram af þeim. Þá er til Hestakleif milli Mjóafjarðar og Ísafjarðar við Djúp. Hvað þýðir þetta orð kleifar?

Það er rétt að heitið Kleifar eða einhver mynd þess finnst á nokkrum stöðum á landinu. Í Bæjartali, gagnasafni á vef Stofnunar Árna Magnússonar sem geymir íslensk bæjarnöfn, kemur heitið Kleif fimm sinnum fyrir og Kleifar átta sinnum. Auk þess eru bæjarheitin Kleifarkot, Kleifarstekkur, Kleifastaðir og Kleifaárvellir þar að finna. Varðandi örnefnið Kleif eða Kleifar má benda á Örnefnasjá á vef Landmælinga Íslands.

Kleifar í botni Gilsfjarðar.

Orðið kleif getur merkt ‘halllendi, brött brekka (grýtt)’ eða ‚hæð‘, einnig ‚geil í fjallshlíð eða fjallsskarð‘, skylt orðunum klífa og klif. Fleirtalan kleifar merkir oft ‚ávalir eða afsleppir klettar‘. (Íslensk orðabók, 784; Ásgeir Blöndal Magnússon, 473).

Á vef Stofnunar Árna Magnússonar er að finna ítarlegri umfjöllun um örnefni með orðliðnum -kleif.

Heimildir og mynd:
  • Ásgeir Blöndal Magnússon, Íslensk orðsifjabók. Reykjavík 1989.
  • Íslensk orðabók. Þriðja útgáfa, aukin og endurbætt. Ritstjóri: Mörður Árnason. 3. prentun. Reykjavík 2005.
  • Mynd: Mats: Íslandsmyndasafn © Mats Wibe Lund. (Sótt 13. 5. 2016).

Útgáfudagur

24.8.2016

Spyrjandi

Halldór Halldórsson

Höfundur

Svavar Sigmundsson

fyrrv. forstöðumaður Örnefnastofnunar

Tilvísun

Svavar Sigmundsson. „Hvað þýðir heitið Kleifar?“ Vísindavefurinn, 24. ágúst 2016. Sótt 26. september 2017. http://visindavefur.is/svar.php?id=71512.

Svavar Sigmundsson. (2016, 24. ágúst). Hvað þýðir heitið Kleifar? Vísindavefurinn. Sótt af http://visindavefur.is/svar.php?id=71512

Svavar Sigmundsson. „Hvað þýðir heitið Kleifar?“ Vísindavefurinn. 24. ágú. 2016. Vefsíða. 26. sep. 2017. <http://visindavefur.is/svar.php?id=71512>.

Chicago | APA | MLA

Frekara lesefni á Vísindavefnum

Sendu inn spurningu
eða

Vísindadagatalið

T-O-kort

Fyrsta kortið sem prentað var í Evrópu er af svonefndri T-O-gerð. Það er í bók eftir miðaldaklerkinn Ísidór frá Sevillu (f. um 560) sem kom út árið 1472. Kortið sýnir heimsálfurnar þrjár sem þá voru þekktar: Asíu, Evrópu og Afríku. Fundur Ameríku árið 1492 og sú endurskoðun á heimsmynd sem varð í kjölfarið er stundum talin marka endalok miðalda.