Kjarninn í svari Atla er nokkurn veginn þessi: Ef við erum öll fullkomlega blekkt um það að sá raunveruleiki sem við lifum í sé í raun draumur eða draumsýn - þá er enginn möguleiki fyrir okkur að átta okkur á því. Það er nefnilega ekki hægt að sjá í gegnum fullkomna blekkingu. Með þetta í huga getum við þess vegna svarað spurningunni á þann veg að það sé vissulega mögulegt að það sé til fólk sem veit ekki muninn á draumsýn og veruleika. Það á í raun og veru við um alla. Um þetta efni er einnig fjallað í svari Eyju Margrétar Brynjarsdóttur í spurningunni Er hægt að vita hvort mann er að dreyma?
Mynd: Filmnut. Sótt 7. 4. 2008.
Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.