Senda inn spurningu
Sólin Sólin Rís 05:19 • sest 21:35 í Reykjavík
Tunglið Tunglið Rís 25:18 • Sest 04:56 í Reykjavík
Flóð Flóð Árdegis: 07:07 • Síðdegis: 19:24 í Reykjavík
Fjaran Fjara Árdegis: 01:08 • Síðdegis: 13:14 í Reykjavík
Visit the English version

Flokkun:

Náttúruvísindi og verkfræði Lífvísindi: dýrafræði

Hver er munurinn á hvítum og venjulegum tígrisdýrum?

JMH

Eini munurinn á hvítum tígrisdýrum og tígrisdýrum sem hafa hinn venjulega appelsínugula grunnlit, er sá að hvít tígrisdýr hafa í báðum genasætum víkjandi gen sem ræður litafari þeirra.

Til þess að glöggva sig betur á þessu er gott að hafa mendelska erfðafræði í huga. Um Gregor Mendel og erfðafræði er meðal annars hægt að lesa í svari við spurningunum Hver var Gregor Mendel og fyrir hvað er hann frægur? og Hvað er ríkjandi gen og víkjandi gen?



Grunnlitur tígrisdýra ræðst sennilega af einu geni. Meira en 99% villtra tígrisdýra hafa appelsínugulan grunnlit og genið sem ræður þessum lit er ríkjandi yfir geni sem ákvarðar hvítan lit. Appelsínugul tígrisdýr eru annað hvort arfhrein, það er að segja þau hafa gen sem ráða rauðgula litnum í báðum litningasætum samstæðra litninga, eða arfblendin, en þá er gen fyrir hvítan lit í öðru sætinu og gen fyrir appelsínugulu í hinu. Þar sem hið síðarnefnda er ríkjandi ræður það litnum. Einungis dýr sem hafa gen fyrir hvítum lit í báðum sætum fá hvítan grunnlit.

Rauðguli liturinn virðist auka hæfni tígrisdýra til að að dyljast fyrir bráð í gróðurþykkni asískra skóga. Samkvæmt skilningi þróunarfræðinnar eru hvít tígrisdýr ekki eins hæf til veiða og lífs. Þess má geta að tígrisdýr í Rússlandi hafa ekki skæran rauðgulan grunnlit heldur fölari appelsínugulan lit, en það skýrist meðal annars af aðlögun að umhverfi þeirra.

Mynd: WHITE TIGERS

Höfundur

Jón Már Halldórsson

JMH

líffræðingur

Útgáfudagur

2.4.2008

Spyrjandi

Alexandra Sigfúsdóttir, f. 1996

Efnisorð

Tilvísun

JMH. „Hver er munurinn á hvítum og venjulegum tígrisdýrum? “ Vísindavefurinn, 2. apríl 2008. Sótt 25. apríl 2024. http://visindavefur.is/svar.php?id=7293.

JMH. (2008, 2. apríl). Hver er munurinn á hvítum og venjulegum tígrisdýrum? Vísindavefurinn. Sótt af http://visindavefur.is/svar.php?id=7293

JMH. „Hver er munurinn á hvítum og venjulegum tígrisdýrum? “ Vísindavefurinn. 2. apr. 2008. Vefsíða. 25. apr. 2024. <http://visindavefur.is/svar.php?id=7293>.

Chicago | APA | MLA

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hver er munurinn á hvítum og venjulegum tígrisdýrum?
Eini munurinn á hvítum tígrisdýrum og tígrisdýrum sem hafa hinn venjulega appelsínugula grunnlit, er sá að hvít tígrisdýr hafa í báðum genasætum víkjandi gen sem ræður litafari þeirra.

Til þess að glöggva sig betur á þessu er gott að hafa mendelska erfðafræði í huga. Um Gregor Mendel og erfðafræði er meðal annars hægt að lesa í svari við spurningunum Hver var Gregor Mendel og fyrir hvað er hann frægur? og Hvað er ríkjandi gen og víkjandi gen?



Grunnlitur tígrisdýra ræðst sennilega af einu geni. Meira en 99% villtra tígrisdýra hafa appelsínugulan grunnlit og genið sem ræður þessum lit er ríkjandi yfir geni sem ákvarðar hvítan lit. Appelsínugul tígrisdýr eru annað hvort arfhrein, það er að segja þau hafa gen sem ráða rauðgula litnum í báðum litningasætum samstæðra litninga, eða arfblendin, en þá er gen fyrir hvítan lit í öðru sætinu og gen fyrir appelsínugulu í hinu. Þar sem hið síðarnefnda er ríkjandi ræður það litnum. Einungis dýr sem hafa gen fyrir hvítum lit í báðum sætum fá hvítan grunnlit.

Rauðguli liturinn virðist auka hæfni tígrisdýra til að að dyljast fyrir bráð í gróðurþykkni asískra skóga. Samkvæmt skilningi þróunarfræðinnar eru hvít tígrisdýr ekki eins hæf til veiða og lífs. Þess má geta að tígrisdýr í Rússlandi hafa ekki skæran rauðgulan grunnlit heldur fölari appelsínugulan lit, en það skýrist meðal annars af aðlögun að umhverfi þeirra.

Mynd: WHITE TIGERS ...