Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Hvaða bofs er átt við þegar menn heyra ekki bofs?

Upprunalega spurningin var:
Hvaðan kemur orðtakið „að heyra ekki boffs” og hvað þýðir boffs?

Orðið bofs er hljóðgervingur í merkingunni ‘gelt, gjamm’ sem og sögnin að bofsa ‘gelta, gjamma’. Sambandið ekki bofs ‘alls ekki neitt’ þekkist þegar í fornu máli en þá skrifað með p. Í Þórðar sögu hreðu stendur í 3. kafla (Íslendinga sögur:2015; Johan Fritzner I:168):

Það var einn dag að Þórður var að leik og Ásbjörn og skyldu þeir á leikast. Og einn tíma felldi Þórður hann Ásbjörn allmikið fall svo að bops kvað í skrokkinum á honum.

Bofs merkir ‘gelt, gjamm’. Sambandið ekki bofs ‘alls ekki neitt’ þekkist þegar í fornu máli.

Í Íslenskri orðsifjabók Ásgeirs Blöndal Magnússonar eru bæði fletturnar bofs (69) og bops (72). Skýring hans við bofs er ‘gelt, gjamm’ en við bops ‘uh. (um dynk eða fallhljóð)’.

Heimildir:
  • Ásgeir Blöndal Magnússon. 1989. Íslensk orðsifjabók. Orðabók Háskólans, Reykjavík.
  • Íslendinga sögur og þættir. 1986. Síðara bindi. (Þórðar saga hreðu). Svart á hvítu. Reykjavík.
  • Johan Fritzner. Ordbog over Det gamle norske Sprog. 1886. I. Den norske Forlagsforening. Kristiania.

Mynd:

Útgáfudagur

4.7.2018

Spyrjandi

Róbert Már Maríuson

Höfundur

Guðrún Kvaran

prófessor

Tilvísun

Guðrún Kvaran. „Hvaða bofs er átt við þegar menn heyra ekki bofs? “ Vísindavefurinn, 4. júlí 2018. Sótt 20. nóvember 2018. http://visindavefur.is/svar.php?id=75710.

Guðrún Kvaran. (2018, 4. júlí). Hvaða bofs er átt við þegar menn heyra ekki bofs? Vísindavefurinn. Sótt af http://visindavefur.is/svar.php?id=75710

Guðrún Kvaran. „Hvaða bofs er átt við þegar menn heyra ekki bofs? “ Vísindavefurinn. 4. júl. 2018. Vefsíða. 20. nóv. 2018. <http://visindavefur.is/svar.php?id=75710>.

Chicago | APA | MLA

Sendu inn spurningu
eða

Vísindadagatalið

Ingibjörg V. Kaldalóns

1968

Ingibjörg V. Kaldalóns er lektor í uppeldis- og menntunarfræði við Menntavísindasvið HÍ. Í rannsóknum sínum hefur Ingibjörg einkum beint sjónum að starfsháttum í grunnskólum, velfarnaði nemenda og kennara í skólastarfi og hvernig hagnýta megi rannsóknir jákvæðrar sálfræði í uppeldi og menntastarfi.