Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Hvað skiptast indóevrópsk tungumál í marga flokka?

Vaninn er að skipta indóevrópskum málum í tvo yfirflokka, svokölluð kentum-mál og satem-mál, en þessum flokkum aftur í alls ellefu undirflokka. Kentum og satem draga nafn af því hvort orðið 'hundrað' hafði lokhljóðið c (k) í framstöðu, sbr. latínu centum 'hundrað' eða önghljóðið s, sbr. indversku satám 'hundrað'.

Til kentum-mála teljast germönsk mál, keltnesk mál, ítalísk mál, gríska, anatólísk mál og tokkaríska.

Til satem mála teljast: slavnesk mál, baltnesk mál, albanska, armenska, indó-írönsk mál.

Sjá að öðru leyti svar sama höfundar við spurningunni Hvaða mál eru germönsk, rómönsk og slavnesk?

Útgáfudagur

29.9.2000

Spyrjandi

Kristján Heiðar Jóhannsson

Höfundur

Guðrún Kvaran

prófessor

Tilvísun

Guðrún Kvaran. „Hvað skiptast indóevrópsk tungumál í marga flokka? “ Vísindavefurinn, 29. september 2000. Sótt 23. september 2017. http://visindavefur.is/svar.php?id=950.

Guðrún Kvaran. (2000, 29. september). Hvað skiptast indóevrópsk tungumál í marga flokka? Vísindavefurinn. Sótt af http://visindavefur.is/svar.php?id=950

Guðrún Kvaran. „Hvað skiptast indóevrópsk tungumál í marga flokka? “ Vísindavefurinn. 29. sep. 2000. Vefsíða. 23. sep. 2017. <http://visindavefur.is/svar.php?id=950>.

Chicago | APA | MLA

Sendu inn spurningu
eða

Vísindadagatalið

Vélmenni

Hugmyndin um vélmenni, þ.e. vél í mannslíki, kemur víða fyrir í fornum goðsögum og bókmenntum. Fyrsti nútímaróbotinn kom á markað 1961. Hann nefndist Unimate og var eins konar gervihandleggur, notaður við bílaframleiðslu í verksmiðjum General Motors. Orðið róbot á sér tékkneskar rætur, það kom fyrst fyrir í leikriti eftir rithöfundinn Karel Čapek frá árinu 1920.