Er staða eineltismála á Íslandi sú sama og í nágrannalöndunum?

Nafn þitt

Netfang þitt

Netfang móttakanda

Ruslpóstvörn =

Svar

Er staða eineltismála á Íslandi sú sama og í nágrannalöndunum?
Til þess að svara þessari spurningu þyrfti að gera nýrri, stærri og yfirgripsmeiri rannsóknir á Íslandi. Þær rannsóknir sem til eru benda þó til þess að Ísland skeri sig ekki á neinn hátt frá nágrannalöndunum. Tíðnin virðist vera sú sama hér og annarsstaðar og það virðist vera álíka erfitt að koma í veg fyrir einelti á Íslandi og í nágrannalöndunum. Það getur hinsvegar verið erfitt að bera saman rannsóknir á milli landa þar sem skilgreiningar á einelti geta verið mismunandi milli landa og milli rannsókna (Skolverket 2011; Farrington og Ttofi, 2010).

Í rannsókn sem Ársæll M. Arnarsson og Þóroddur Bjarnason birtu 2009 segir að útbreiðsla eineltis meðal ellefu til fimmtán ára nemenda á Íslandi sé með því minnsta sem gerist á Vesturlöndunum. Þar kemur fram að einelti meðal barna á þessum aldri sé á bilinu 3-7% hér á landi, um 4% í Svíþjóð og á bilinu 24-34% í Mið- og Suður-Evrópu.

Heimildir og mynd:

• Ársæll M. Arnarsson og Þóroddur Bjarnason. (2009). Einelti og samskipti við fjölskyldu og vini meðal 6., 8. og 10. bekkinga. Tímarit um menntarannsóknir 6:15-26.
• Farrington, D.P. og Ttofi, M.M. (2010). School-Based Programs to Reduce Bullying and Victimization. The Campell Collaboration.
• Skolverket. (2011). Utvärdering av metoder mot mobbning. Stockholm: Skolverket, Rapport nr. 353.
• Mynd: The One Thing Teachers Can Do To Prevent Bullying - Edudemic. (Sótt 21. 3. 2014).

...