Hvað er vetni?

Svar

Vetni er frumefni og hefur efnatáknið H. Sætistala þess í lotukerfinu er 1 og það er léttasta frumefnið. Þegar það binst súrefni myndar það vatn sem við táknum með H₂O. Vetnisgas er táknað með H₂ en þar eru tvær vetnisfrumeindir bundnar saman.

Eingöngu 0,01% af lofthjúpi jarðar er vetni og af massa jarðskorpunnar eru 0,9% vetni, að mestu bundið í efnasamböndum. Vetni er algengasta frumefnið í geimnum.

Frekara lesefni á Vísindavefnum:

• Hvers vegna er vetni svona eldfimt? eftir Ágúst Kvaran
• Hvað er þungt vatn og til hvers er það notað? eftir Finnboga Óskarsson
• Hvað er að segja um vetni sem orkugjafa framtíðarinnar? eftir Braga Árnason
• Hver var Cecilia Payne-Gaposchkin og hvernig sýndi hún fram á að sólin væri að mestu úr vetni? eftir Árdísi Elíasdóttur