Hver er munurinn á PCI-, PCI Express- og AGP-raufum?

Svar

Svonefndar PCI-, PCI Express- og AGP-raufar (e. slots) eru hraðvirk tengi á móðurborðum. Raufarnar eru notaðar til að bæta virkni við móðurborðið í tölvunni, til dæmis skjákort, netkort, diskastýringar, sjónvarpskort og hljóðkort. Helsti munurinn á þeim er aldur þeirra og samskiptahraðinn.

PCI Express-, AGP- og PCI-raufar eru staðsettar á móðurborðum tölva og eru notaðar til að bæta virkni við móðurborðið.

PCI-raufar komu fyrst af þessum þremur tegundum á markað, árið 1993. Algengasta útgáfan af þeim hefur hraðann 133 MB/s. Með tímanum varð það of hægvirkt til að keyra skjákort, svo AGP-raufar voru staðlaðar sem háhraðatengi fyrir skjákort. Þær náðu fyrst hraðanum 266 MB/s árið 1997 en voru komnar upp í 2133 MB/s árið 2002. Árið 2004 kom PCI Express og skiptu út bæði PCI og AGP raufunum. PCI Express-raufar koma í mismunandi stærðum og ná hraða á bilinu 250 MB/s til 16384 MB/s.

Mynd:

• Móðurborð. Sótt 14.04.12