Hvað er móhella?

Svar

Sennilega er orðið móhella ekki nákvæmlega skilgreint, en samkvæmt Þorleifi Einarssyni (bls. 190, Myndun og mótun lands. Jarðfræði. Mál og menning, 1991) er móhella lagskiptur harðnaður foksandur sem myndast hefur snemma á nútíma, skömmu eftir ísaldarlok. Slíkar foksandsmyndanir kallast löss í útlöndum, en eru að því leyti frábrugðnar móhellu að þær eru lítt lagskiptar. Þegar jöklar hörfuðu við ísaldarlok lá eftir gróðurlaust land þakið jökulleir sem auðveldlega þyrlaðist um í vindinum og myndaði móhelluna.


Löss nálægt Hunyuan í Shanxi-héraði í Kína. Löss eru foksandsmyndanir og eru að því leyti frábrugðnar móhellu að þær eru lítt lagskiptar.
Mynd:

• Loess á Wikipedia. Ljósmyndari: Till Niermann. Birt undir Creative Commons og GNU Free Documentation leyfum. Sótt 19. 8. 2009.

---

Upprunalega hjóðaði spurningin svona:

Í daglegu tali meðal bygginga- og jarðvinnumanna er oft talað um móhellu. Ég hef velt fyrir mér, hvort móhella er sama og móberg, hvort hún er þjappaður jökulleir, eða eitthvað annað?