Hvenær voru bananar fyrst ræktaðir á Íslandi?

Nafn þitt

Netfang þitt

Netfang móttakanda

Ruslpóstvörn =

Svar

Hvenær voru bananar fyrst ræktaðir á Íslandi?
Bananar eru ræktaðir í hitabeltisumhverfi en þess utan er unnt að rækta banana í þar til gerðum gróðurhúsum.

Í júlímánuði árið 1939 flutti Hlín Eiríksdóttir fyrst allra Íslendinga bananaplöntur til Íslands frá Englandi. Bananana ræktaði hún í Laugardal í Reykjavík í garðyrkjustöð sem hún átti með föður sínum. Árið 1941 þroskuðust síðan fyrstu bananarnir. Garðyrkjuskóli ríkisins naut góðs af ræktun Hlínar en árið 1942 gaf hún nokkrar bananaplöntur til skólans en bananaræktun hefur síðan þá verið árviss. Skólinn var þá staðsettur á Reykjum í Ölfusi en þar var byggt sérstakt gróðurhús ætlað til ræktunar á banönum árið 1951. Nú hefur Landbúnaðarháskóli Íslands tekið við keflinu en hann hefur meðal annars starfsstöð á Reykjum í Ölfusi.

Bananaræktun á Íslandi.

Í gróðurhúsinu á Reykjum voru ekki einungis ræktaðir bananar. Þar mátti meðal annars finna kaffiplöntu og gráfíkjutré.

Frekara lesefni á Vísindavefnum:

• Hversu hollir eru bananar? eftir Anítu Hinriksdóttur og Andreu Sif Sigurðardóttur

Heimild og mynd:

• Guðjón Hugberg Björnsson, garðyrkjufræðingur. Óbirt ritgerð um bananaræktun á Íslandi.
• Wikimedia Commons - Bananas in Iceland (Alistair Lockyer). Sótt 14.2.2011.

Sigurjón Halldórsson bar fram spurninguna:

Geta bananar þroskast á Íslandi?

---

Ritstjórn Vísindavefsins þakkar Sigurði Guðjónssyni fyrir aðstoð við heimildaöflun....