Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hversu margir búa í Norður-Kóreu og hvaða aðilar veita upplýsingar um fólksfjölda þar?

Norður-Kórea er eitt lokaðasta ríki jarðar og erfitt er að nálgast traustar upplýsingar um land og þjóð. Það á jafnt við um lýðfræði (svo sem fólksfjöldi, fæðingartíðni, dánartíðni, fólksflutningar og svo framvegis) sem og önnur svið. Upplýsingar um fólksfjölda eru því ekki byggðar á opinberum tölum frá Norður-Kóreu heldur eru þær áætlanir utanaðkomandi aðila.

Sameinuðu þjóðirnar áætla að árið 2010 hafi mannfjöldi í Norður-Kóreu verið rúmlega 23,3 milljónir. Í World Factbook er áætlað að árið 2011 hafi íbúar Norður-Kóreu verið 24,4 milljónir.

Talið er að um 24 milljónir manna búi í Norður-Kóreu. Hér sést lítið brot þjóðarinnar fylgjast með hersýningu.

Það er fyrst og fremst fæðingar- og dánartíðni sem hefur áhrif á fólksfjölda í Norður-Kóreu en fólksflutningar hafa mjög lítið að segja. Það er erfitt að flytja frá landinu og nánast vonlaust að flytja til landsins.

Íbúanir eru að langmestu leyti kóreskir að uppruna, mjög lítill minnihlutahópur Kínverja býr í landinu og einnig er þar mjög lítill hópur fólks af japönskum uppruna.

Heimildir og mynd:

Útgáfudagur

18.1.2012

Spyrjandi

Anton Ingi Sigurðarson, f. 1997

Höfundur

Emilía Dagný Sveinbjörnsdóttir

EDS

Tilvísun

EDS. „Hversu margir búa í Norður-Kóreu og hvaða aðilar veita upplýsingar um fólksfjölda þar?“. Vísindavefurinn 18.1.2012. http://visindavefur.is/?id=60912. (Skoðað 23.4.2014).

Sendu inn spurningu
eða

Vísindadagatalið

Niccolò Machiavelli

1469-1527

Stjórnspekingur og rithöfundur frá Toskana, setti fram kenningar sínar í bókinni Furstinn sem er stundum talin eins konar kennslubók handa stjórnmálamönnum.