Senda inn spurningu
Sólin Sólin Rís 05:40 • sest 21:16 í Reykjavík
Tunglið Tunglið Rís 15:13 • Sest 05:59 í Reykjavík
Flóð Flóð Árdegis: 03:57 • Síðdegis: 16:31 í Reykjavík
Fjaran Fjara Árdegis: 10:23 • Síðdegis: 22:34 í Reykjavík
Visit the English version

Flokkun:

Félagsvísindi Félagsvísindi almennt
Félagsvísindi Hagfræði

Er til fólksfjöldapíramídi fyrir Kína?

Gylfi Magnússon

Með fólksfjöldapíramída er átt við teikningu þar sem sýnd er aldurs- og kynskipting einhvers hóps, til dæmis þjóðar. Yfirleitt eru karlmenn hafðir vinstra megin og konur hægra megin á teikningunni og fyrir hvort kyn er súlum raðað þannig að neðst eru súlur fyrir þá yngstu og síðan koma súlur fyrir sífellt eldri. Lengd hverrar súlu fer eftir fjölda þeirra sem eru í viðkomandi aldurshópi.

Þetta getur verið gagnlegt tæki til að átta sig til dæmis á því hvort ungu kynslóðirnar eru fjölmennari en forverar þeirrar, hvernig líklegt er að framboð af fólki á vinnualdri breytist eða fjöldi eftirlaunaþega, skólabarna og svo framvegis. Í Evrópu hafa menn til dæmis mikið horft til þess að svona píramídar eru að verða sverir efst en grannir neðst, öfugt við venjulega píramída, en það gerist vegna þess að mjög hefur dregið úr fæðingum.



Svona píramídi er til fyrir Kína, samanber teikninguna hér að ofan. Hún er byggð á manntali frá 1990 og fengin af vefsíðunni Science for Global Insight. Margfalda þarf tölurnar sem standa við lárétta ásinn með 1.000 til að fá mannfjölda. Út úr myndinni má meðal annar lesa að dregið hefur úr fæðingum í Kína því að yngstu árgangarnir árið 1990 voru minni en árgangar þeirra sem voru á táningsaldri.

Frekara lesefni á Vísindavefnum:

Höfundur

Gylfi Magnússon

Gylfi Magnússon

prófessor í hagfræði við HÍ

Útgáfudagur

22.10.2003

Spyrjandi

Halldór Ólafsson, f. 1989

Efnisorð

Tilvísun

Gylfi Magnússon. „Er til fólksfjöldapíramídi fyrir Kína?“ Vísindavefurinn, 22. október 2003. Sótt 19. apríl 2024. http://visindavefur.is/svar.php?id=3813.

Gylfi Magnússon. (2003, 22. október). Er til fólksfjöldapíramídi fyrir Kína? Vísindavefurinn. Sótt af http://visindavefur.is/svar.php?id=3813

Gylfi Magnússon. „Er til fólksfjöldapíramídi fyrir Kína?“ Vísindavefurinn. 22. okt. 2003. Vefsíða. 19. apr. 2024. <http://visindavefur.is/svar.php?id=3813>.

Chicago | APA | MLA

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Er til fólksfjöldapíramídi fyrir Kína?
Með fólksfjöldapíramída er átt við teikningu þar sem sýnd er aldurs- og kynskipting einhvers hóps, til dæmis þjóðar. Yfirleitt eru karlmenn hafðir vinstra megin og konur hægra megin á teikningunni og fyrir hvort kyn er súlum raðað þannig að neðst eru súlur fyrir þá yngstu og síðan koma súlur fyrir sífellt eldri. Lengd hverrar súlu fer eftir fjölda þeirra sem eru í viðkomandi aldurshópi.

Þetta getur verið gagnlegt tæki til að átta sig til dæmis á því hvort ungu kynslóðirnar eru fjölmennari en forverar þeirrar, hvernig líklegt er að framboð af fólki á vinnualdri breytist eða fjöldi eftirlaunaþega, skólabarna og svo framvegis. Í Evrópu hafa menn til dæmis mikið horft til þess að svona píramídar eru að verða sverir efst en grannir neðst, öfugt við venjulega píramída, en það gerist vegna þess að mjög hefur dregið úr fæðingum.



Svona píramídi er til fyrir Kína, samanber teikninguna hér að ofan. Hún er byggð á manntali frá 1990 og fengin af vefsíðunni Science for Global Insight. Margfalda þarf tölurnar sem standa við lárétta ásinn með 1.000 til að fá mannfjölda. Út úr myndinni má meðal annar lesa að dregið hefur úr fæðingum í Kína því að yngstu árgangarnir árið 1990 voru minni en árgangar þeirra sem voru á táningsaldri.

Frekara lesefni á Vísindavefnum: