Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Hvað eru margir selir við Ísland?

Við Íslandsstrendur kæpa tvær tegundir sela, landselur (Phoca vitulina) og útselur (Halichoerus grypus). Samkvæmt nýjustu talningum vísindamanna Hafrannsóknastofnunar eru landselir um 15 þúsund talsins en útselir eru einungis um 6 þúsund. Landsel hefur fækkað gríðarlega síðan talningar hófust fyrst árið 1980 en þá taldist stofninn um 45 þúsund dýr. Útsel hefur einnig fækkað mikið.



Landselur © Jón Baldur Hlíðberg

Innan fiskveiðilögsögunnar má reyndar finna nokkrar tegundir til viðbótar, svokallaðar fartegundir, og ber þar helst að nefna blöðrusel og vöðusel. Þeir stofnar eru mjög stórir á nærliggjandi hafsvæðum og slæðast reglulega inn í lögsöguna. Á Íslandsmiðum má einnig rekast á fleiri tegundir, svo sem hringanóra, kampsel og jafnvel rostung, en komur þeirra eru sjaldgæfar.


Mynd af landsel eftir Jón Baldur Hlíðberg. Öll réttindi áskilin.

Útgáfudagur

26.1.2001

Spyrjandi

Þorsteinn Víðir, f. 1990

Efnisorð

Höfundur

Jón Már Halldórsson

líffræðingur

Tilvísun

Jón Már Halldórsson. „Hvað eru margir selir við Ísland?“ Vísindavefurinn, 26. janúar 2001. Sótt 18. nóvember 2017. http://visindavefur.is/svar.php?id=1298.

Jón Már Halldórsson. (2001, 26. janúar). Hvað eru margir selir við Ísland? Vísindavefurinn. Sótt af http://visindavefur.is/svar.php?id=1298

Jón Már Halldórsson. „Hvað eru margir selir við Ísland?“ Vísindavefurinn. 26. jan. 2001. Vefsíða. 18. nóv. 2017. <http://visindavefur.is/svar.php?id=1298>.

Chicago | APA | MLA

Sendu inn spurningu
eða

Vísindadagatalið

Negull

Negull er krydd úr þurrkuðum blómhnöppum negultrésins. Hann er eitt þekktasta krydd veraldar og fyrr á öldum var hann einokunarvara Portúgala og Hollendinga. Hann er ýmist notaður malaður eða heill. Negull er notaður í bakstri og í ýmsa austurlenska rétti, svo og til að krydda ýmsa kjötrétti. Negull er ilmríkur og sums staðar er hefð að stinga negulnöglum í appelsínu og hengja upp fyrir jólin.