Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Eru spurningar sem berast vísindavefnum ritskoðaðar?

Hugsanlegt er að leggja þann skilning í orðið "ritskoðun" að svarið við þessari spurningu verði játandi. Við lagfærum strax stafsetningu og málfar á spurningunum sjálfum og styttum líka stundum þegar í stað, ef það liggur beint við. Þegar svör berast, lagfærum við spurningarnar enn frekar til að vefurinn verði sem aðgengilegastur og skýrastur gagnvart lesendum.

Vísindavefurinn er ekki vettvangur nafnlausra samskipta; við viljum vita við hverja við erum að tala. Ef spyrjandi segir í fyrstu ekki fullnægjandi deili á sér biðjum við hann um að bæta úr því. Oft fjarlægjum við spurningarnar af vefnum meðan á því stendur, einfaldlega af því að við ætlum ekki að svara þeim nema spyrjandi bregðist við. Aðrar ástæður til þess að spurningum er eytt úr dálkinum um spurningar í vinnslu eru raktar í svari við fyrri spurningu um svipað efni.

Sennilega stenst engin skilgreining á orðinu ritskoðun önnur en sú að verki sem höfundur vill bera fram af fullri einurð undir fullu nafni sé hafnað eða því breytt gegn vilja og andmælum höfundar. Þetta hefur ekki verið gert á Vísindavefnum. Sé gestum okkar kunnugt um spurningar sem hafa horfið og þeir telja eftirsjá að, biðjum við þá endilega að láta okkur vita.

Útgáfudagur

2.3.2000

Spyrjandi

Magnús Eðvald Björnsson

Efnisorð

Höfundur

Þorsteinn Vilhjálmsson

prófessor emeritus, ritstjóri Vísindavefsins 2000-2010 og ritstjóri Evrópuvefsins 2011

Tilvísun

Þorsteinn Vilhjálmsson. „Eru spurningar sem berast vísindavefnum ritskoðaðar? “ Vísindavefurinn, 2. mars 2000. Sótt 21. nóvember 2017. http://visindavefur.is/svar.php?id=174.

Þorsteinn Vilhjálmsson. (2000, 2. mars). Eru spurningar sem berast vísindavefnum ritskoðaðar? Vísindavefurinn. Sótt af http://visindavefur.is/svar.php?id=174

Þorsteinn Vilhjálmsson. „Eru spurningar sem berast vísindavefnum ritskoðaðar? “ Vísindavefurinn. 2. mar. 2000. Vefsíða. 21. nóv. 2017. <http://visindavefur.is/svar.php?id=174>.

Chicago | APA | MLA

Sendu inn spurningu
eða

Vísindadagatalið

Bankað í við

Það er algengur og útbreiddur hjátrúarsiður, einkum meðal kristinna manna, að banka undir eða á viðarborð eða snerta tré, t.d. eftir að menn hafa sagt eitthvað ógætilegt. Þessi siður á líklega rætur að rekja til þeirrar helgi sem hvílir á krossi Krists eða til annarrar tiltrúar á tré, enda er trjádýrkun af ýmsu tagi ævagömul.