Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Þarf sambúðarfólk að gera sameiginlega skattaskýrslu þó að annar aðilinn sé skráður fyrir öllum eignum?

Öllum þeim sem búsettir eru hér á landi er skylt að skila inn skattframtali, samanber 1. tölulið 1. málsgrein 1. greinar laga númer 75/1981 um tekjuskatt og eignarskatt með síðari breytingum. Engu breytir hve miklar eignir menn eiga eða hvort þeir eiga eignir á annað borð. Sambúðarfólki er skylt að skila sameiginlegu skattframtali óski það eftir samsköttun samanber 3. málsgrein 63. greinar sömu laga. Samskattað sambúðarfólk er skattlagt eins og hjón. Sambúðarfólk sem á sameiginlegt lögheimili á rétt á að vera samskattað ef það á barn saman eða konan er þunguð eða ef sambúð hefur varað samfellt í að minnsta kosti eitt ár.

Einstaklingar sem búa saman en eiga ekki rétt á samsköttun eða fullnægja skilyrðum fyrir samsköttun en óska ekki eftir henni skila hvor sínu skattframtali. Er þá hvort um sig skattlagt sem einhleypingur. Eigandi eignanna færir þær þá á sitt eigið skattframtal. Sé um sameign beggja að ræða á hlutur hvors um sig að færast á viðkomandi framtal. Barnabætur og vaxtabætur reiknast eins og hjá hjónum og skiptast jafnt á milli þeirra við álagningu jafnvel þótt ekki sé um samsköttun að ræða. Börn á heimili sambúðarfólks eru skráð á forsíðu skattframtals beggja foreldra. Einstaklingar í staðfestri samvist skulu ávallt telja fram og vera skattlagðir eins og hjón, samanber 4. málsgrein 63. greinar sömu laga.

Heimild

Leiðbeiningar RSK vegna álagningar 2001



Mynd: HB

Útgáfudagur

27.8.2001

Spyrjandi

Elín Ólafsdóttir

Efnisorð

Höfundur

Tilvísun

Halldór Gunnar Haraldsson. „Þarf sambúðarfólk að gera sameiginlega skattaskýrslu þó að annar aðilinn sé skráður fyrir öllum eignum?“ Vísindavefurinn, 27. ágúst 2001. Sótt 20. ágúst 2017. http://visindavefur.is/svar.php?id=1845.

Halldór Gunnar Haraldsson. (2001, 27. ágúst). Þarf sambúðarfólk að gera sameiginlega skattaskýrslu þó að annar aðilinn sé skráður fyrir öllum eignum? Vísindavefurinn. Sótt af http://visindavefur.is/svar.php?id=1845

Halldór Gunnar Haraldsson. „Þarf sambúðarfólk að gera sameiginlega skattaskýrslu þó að annar aðilinn sé skráður fyrir öllum eignum?“ Vísindavefurinn. 27. ágú. 2001. Vefsíða. 20. ágú. 2017. <http://visindavefur.is/svar.php?id=1845>.

Chicago | APA | MLA

Sendu inn spurningu
eða

Vísindadagatalið

Kobbi kviðrista

Kobbi kviðrista, eða Jack the Ripper, er einn þekktasti raðmorðingi allra tíma. Árið 1888 myrti hann að minnsta kosti fimm manns, allt vændiskonur. Raunar er nafn hans aðeins uppspuni. Enginn veit hvað hann hét í raun því að morðin voru aldrei upplýst. Kobbi kviðrista framdi öll morðin með því að skera fórnarlömbin á háls.