Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Gætu fuglar flogið á tunglinu (já eða nei)?

Svarið er nei; fuglar geta ekki flogið í opnu rými við yfirborð tunglsins.

Flug fugla byggist á loftmótstöðu; þeir spyrna í loftið kringum sig og svífa á því. Á tunglinu er hins vegar ekkert loft til að spyrna í. Þar er enginn lofthjúpur því að þyngdarkraftur tunglsins er of lítill til þess að gassameindir haldist við yfirborðið. Venjulegar flugvélar eða þotur mundu ekki heldur geta flogið á tunglinu, af sömu ástæðu.

Eldflaugar eða geimför knúin eldflaugum geta hins vegar flogið við yfirborð tunglsins eins og raunar annars staðar í geimnum. Það byggist á því að þær spyrna frá sér massa með miklum hraða og fá þá sjálfar hraða í gagnstæða stefnu.

Flug eldflauga í geimnum er útskýrt nánar í alllöngu svari Þorsteins Vilhjálmssonar og Stefáns Inga Valdimarssonar við spurningunni Hvernig geta eldflaugar farið um geiminn þar sem ekkert loft er? Í rauninni er þessari spurningu um fuglana einnig svarað þar.

Útgáfudagur

3.9.2002

Spyrjandi

Steindór Jensen

Höfundur

Þorsteinn Vilhjálmsson

prófessor emeritus, ritstjóri Vísindavefsins 2000-2010 og ritstjóri Evrópuvefsins 2011

Tilvísun

Þorsteinn Vilhjálmsson. „Gætu fuglar flogið á tunglinu (já eða nei)?“ Vísindavefurinn, 3. september 2002. Sótt 16. september 2019. http://visindavefur.is/svar.php?id=1870.

Þorsteinn Vilhjálmsson. (2002, 3. september). Gætu fuglar flogið á tunglinu (já eða nei)? Vísindavefurinn. Sótt af http://visindavefur.is/svar.php?id=1870

Þorsteinn Vilhjálmsson. „Gætu fuglar flogið á tunglinu (já eða nei)?“ Vísindavefurinn. 3. sep. 2002. Vefsíða. 16. sep. 2019. <http://visindavefur.is/svar.php?id=1870>.

Chicago | APA | MLA

Sendu inn spurningu
eða

Vísindadagatalið

Daníel Þór Ólason

1967

Daníel Þór Ólason er prófessor í sálfræði við Háskóla Íslands og deildarforseti Sálfræðideildar. Rannsóknir Daníels hafa fyrst og fremst verið á sviði hegðunarfíkna en einnig hefur hann fengist við rannsóknir í próffræði og persónuleikasálfræði.