Sólin Sólin Rís 10:46 • sest 15:47 í Reykjavík
Tunglið Tunglið Rís 14:24 • Sest 04:57 í Reykjavík
Flóð Flóð Árdegis: 02:52 • Síðdegis: 15:13 í Reykjavík
Fjaran Fjara Árdegis: 09:10 • Síðdegis: 21:32 í Reykjavík
Sólin Sólin Rís 10:46 • sest 15:47 í Reykjavík
Tunglið Tunglið Rís 14:24 • Sest 04:57 í Reykjavík
Flóð Flóð Árdegis: 02:52 • Síðdegis: 15:13 í Reykjavík
Fjaran Fjara Árdegis: 09:10 • Síðdegis: 21:32 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Vísindavefur Föstudagssvar Hvernig finnur maður draumaprinsessuna sína?

Flokkun:

24.5.2002
Vísindavefur Föstudagssvar

Hvernig finnur maður draumaprinsessuna sína?

Ritstjórn Vísindavefsins

Við á Vísindavefnum höfum ekki átt í teljandi vandræðum að svara spurningum á borð viðVið höfum ekki heldur látið vefjast fyrir okkur að svara spurningum sem eru kannski ekki jafnvísindalegar en engu að síður krefjandi:Þrátt fyrir þessi afrek okkar getum við eiginlega ekki svarað því, hvernig finna skal draumaprinsessu sína, nú eða jafnvel draumaprins. Freistandi væri að slá því bara föstu að slíkt sé alls ekki til, en rétt eins og með drauga, álfa og huldufólk væru án efa margir til í að vitna um hið andstæða.

Ef við gerum nú ráð fyrir að draumaprinsar og -prinsessur séu til væri líklegast til árangurs að byrja á að komast að því hvar slíkar verur halda sig. Það er þó ekki jafn einfalt og virðist í fyrstu því líklega ræðst það af hverri fyrir sig, hvar sá staður er. Ekki er hægt að nota sömu aðferðir og þegar leita skal að draugum eða álfum og menn kanna vænlega staði eins og gömul hús eða stóra steina.

Sumar draumaverur af þessu tagi halda sig eflaust á bókasöfnum, aðrar á knattspyrnuvöllum, enn aðrar í sundlaugum (og þá sérstaklega á sólríkum föstudögum), sumar á fjöllum og svo mætti lengi telja.

Væri ekki tilvalið að snúa bara dæminu við, hætta að leita að draumaprinsi eða prinsessu og vita hvort þessar eftirsóttu verur láti ekki sjá sig af sjálfsdáðum? Hins vegar má rifja upp orð meistara Megasar um að dyrnar opnist nú ekki nema bankað sé á þær.

Svo er náttúrlega þess að gæta að draumaprinsessa þín er sú sem þig dreymir um. Þess vegna þyrftum við kannski að vita meira um spyrjandann til að geta svarað en þá værum við líka komin út fyrir vettvang hins almenna sem vísindin hafa mestan áhuga á. Þó getum við bent spyrjanda á að kannski væri ráð að byrja leitina með sjálfsskoðun. Ef spyrjandi hefur til dæmis mikinn áhuga á fótbolta eykur hann líkurnar á góðum árangri með því að leita meðal kvenna á fótboltavöllum.

Rétt er þó að undirstrika að með slíkum aðferðum er einungis hægt að auka líkurnar en ekki að öðlast fullkomið öryggi um að finna það sem leitað er að. Slík staða mála er hins vegar alþekkt í vísindum, samanber umræðuna um óvissulögmál Heisenbergs og allt það.

Í spurningunni kemur ekki fram hvort spyrjandi vill giftast draumaprinsessunni og búa með henni til æviloka. Ef spyrjandi vill það getum við bent honum á að fjölskyldufræðin býr yfir ýmsum fróðleik um heppilegt makaval. Sömuleiðis bendum við honum á svar Sigrúnar Júlíusdóttur við spurningunni Hvað er ást? Er hún mælanleg?

Við eigum allt eins von á að spyrjandi sé litlu nær eftir lestur svarsins, enda varla hægt að ætlast til mikils af föstudagssvari.



Mynd: BlueHarvest:net - Star Wars Images

Höfundur

Ritstjórn Vísindavefsins

Ritstjórn Vísindavefsins

Útgáfudagur

24.5.2002

Spyrjandi

N.N., fæddur 1987

Efnisorð

Tilvísun

Ritstjórn Vísindavefsins. „Hvernig finnur maður draumaprinsessuna sína?“ Vísindavefurinn, 24. maí 2002, sótt 1. desember 2025, https://visindavefur.is/svar.php?id=2419.

Ritstjórn Vísindavefsins. (2002, 24. maí). Hvernig finnur maður draumaprinsessuna sína? Vísindavefurinn. https://visindavefur.is/svar.php?id=2419

Ritstjórn Vísindavefsins. „Hvernig finnur maður draumaprinsessuna sína?“ Vísindavefurinn. 24. maí. 2002. Vefsíða. 1. des. 2025. <https://visindavefur.is/svar.php?id=2419>.

Chicago | APA | MLA

Þessi síða notar vafrakökur Nánari upplýsingar

Ég samþykki

Senda grein til vinar

=

Hvernig finnur maður draumaprinsessuna sína?
Við á Vísindavefnum höfum ekki átt í teljandi vandræðum að svara spurningum á borð við

Við höfum ekki heldur látið vefjast fyrir okkur að svara spurningum sem eru kannski ekki jafnvísindalegar en engu að síður krefjandi:Þrátt fyrir þessi afrek okkar getum við eiginlega ekki svarað því, hvernig finna skal draumaprinsessu sína, nú eða jafnvel draumaprins. Freistandi væri að slá því bara föstu að slíkt sé alls ekki til, en rétt eins og með drauga, álfa og huldufólk væru án efa margir til í að vitna um hið andstæða.

Ef við gerum nú ráð fyrir að draumaprinsar og -prinsessur séu til væri líklegast til árangurs að byrja á að komast að því hvar slíkar verur halda sig. Það er þó ekki jafn einfalt og virðist í fyrstu því líklega ræðst það af hverri fyrir sig, hvar sá staður er. Ekki er hægt að nota sömu aðferðir og þegar leita skal að draugum eða álfum og menn kanna vænlega staði eins og gömul hús eða stóra steina.

Sumar draumaverur af þessu tagi halda sig eflaust á bókasöfnum, aðrar á knattspyrnuvöllum, enn aðrar í sundlaugum (og þá sérstaklega á sólríkum föstudögum), sumar á fjöllum og svo mætti lengi telja.

Væri ekki tilvalið að snúa bara dæminu við, hætta að leita að draumaprinsi eða prinsessu og vita hvort þessar eftirsóttu verur láti ekki sjá sig af sjálfsdáðum? Hins vegar má rifja upp orð meistara Megasar um að dyrnar opnist nú ekki nema bankað sé á þær.

Svo er náttúrlega þess að gæta að draumaprinsessa þín er sú sem þig dreymir um. Þess vegna þyrftum við kannski að vita meira um spyrjandann til að geta svarað en þá værum við líka komin út fyrir vettvang hins almenna sem vísindin hafa mestan áhuga á. Þó getum við bent spyrjanda á að kannski væri ráð að byrja leitina með sjálfsskoðun. Ef spyrjandi hefur til dæmis mikinn áhuga á fótbolta eykur hann líkurnar á góðum árangri með því að leita meðal kvenna á fótboltavöllum.

Rétt er þó að undirstrika að með slíkum aðferðum er einungis hægt að auka líkurnar en ekki að öðlast fullkomið öryggi um að finna það sem leitað er að. Slík staða mála er hins vegar alþekkt í vísindum, samanber umræðuna um óvissulögmál Heisenbergs og allt það.

Í spurningunni kemur ekki fram hvort spyrjandi vill giftast draumaprinsessunni og búa með henni til æviloka. Ef spyrjandi vill það getum við bent honum á að fjölskyldufræðin býr yfir ýmsum fróðleik um heppilegt makaval. Sömuleiðis bendum við honum á svar Sigrúnar Júlíusdóttur við spurningunni Hvað er ást? Er hún mælanleg?

Við eigum allt eins von á að spyrjandi sé litlu nær eftir lestur svarsins, enda varla hægt að ætlast til mikils af föstudagssvari.



Mynd: BlueHarvest:net - Star Wars Images...