Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvernig er farið að því að finna út næringargildi matvæla?

Næringargildi matvæla segir til um innihald þeirra af orkugefandi næringarefnum (próteini, fitu og kolvetnum), vítamínum og steinefnum. Styrkur efnanna er mældur með efnagreiningu á rannsóknarstofu, þar sem tiltekin fjöldi af sýnum er greindur með viðurkenndum rannsóknaraðferðum. Matvæli eru sögð næringarsnauð ef innihald vítamína og steinefna er lítið eða ekkert, eins og til dæmis á við um sykur.

Í reglugerð um merkingu næringargildis stendur meðal annars í II. kafla, 4. grein:
Næringargildi er skylt að merkja þegar fullyrðing um næringarfræðilega eiginleika tiltekinnar vöru kemur fram í merkingu, kynningu eða auglýsingu. Að öðru leyti er merkingin valfrjáls.
Á umbúðum matvæla geta því upplýsingar um næringargildi verið af skornum skammti. Hægt er að nálgast upplýsingar um næringargildi matvæla í ýmsum ritum, til dæmis í Næringarefnatöflum sem Námsgagnastofnun og Rannsóknastofnun landbúnaðarins gefa út, en þær ættu að fást í bókabúðum. Einnig hefur Manneldisfélag Íslands gefið út bækling með næringargildi í völdum matvælum.

Síðast en ekki síst má benda á Veraldarvefinn, en Matarvefurinn.is byggir á íslenskum gagnagrunni um efnainnihald matvæla, eins og reyndar ritin tvö sem hér hafa verið nefnd. Grunnurinn er uppfærður reglulega á heimasíðu Matarvefsins, en þar er bæði hægt að skrá og meta næringargildi eigin neyslu og skoða næringargildi einstakra matvæla.

Útgáfudagur

12.7.2002

Spyrjandi

Jóhanna Engelhartsdóttir

Höfundur

Björn Sigurður Gunnarsson

matvæla- og næringarfræðingur

Tilvísun

Björn Sigurður Gunnarsson. „Hvernig er farið að því að finna út næringargildi matvæla?“ Vísindavefurinn, 12. júlí 2002. Sótt 22. nóvember 2017. http://visindavefur.is/svar.php?id=2585.

Björn Sigurður Gunnarsson. (2002, 12. júlí). Hvernig er farið að því að finna út næringargildi matvæla? Vísindavefurinn. Sótt af http://visindavefur.is/svar.php?id=2585

Björn Sigurður Gunnarsson. „Hvernig er farið að því að finna út næringargildi matvæla?“ Vísindavefurinn. 12. júl. 2002. Vefsíða. 22. nóv. 2017. <http://visindavefur.is/svar.php?id=2585>.

Chicago | APA | MLA

Sendu inn spurningu
eða

Vísindadagatalið

Loftsteinar

Aragrúi grjót- eða málmhnullunga er á sveimi um geiminn. Geimgrýtið kemur m.a. úr smástirnabelti sem er á milli Mars og Júpíters en líka úr halastjörnum. Þegar þessir steinar og ísagnir rekast á lofthjúp jarðar nefnast þeir loftsteinar. Líklega ná um 500 loftsteinar til jarðar á hverjum degi en fæstir þeirra finnast.