Hvað er vindur eða vindorka og hvernig verður vindurinn til?

Nafn þitt

Netfang þitt

Netfang móttakanda

Ruslpóstvörn =

Svar

Hvað er vindur eða vindorka og hvernig verður vindurinn til?
Orka frá sólinni hitar andrúmsloftið ójafnt upp. Kalt loft inniheldur fleiri loftsameindir en heitt loft og er þar af leiðandi þyngra. Kalt loft fellur því í andrúmsloftinu og myndar háþrýstisvæði á meðan heita loftið rís og myndar lágþrýstisvæði. Loftið reynir að ná jafnvægi, þannig að loftsameindir hreyfast frá háþrýstisvæðum til lágþrýstisvæða. Þessa hreyfingu þekkjum við sem vind.

Hreyfing jarðar hefur einnig áhrif á vindinn en þegar jörðin snýst hreyfist loftið ekki beint frá háþrýstisvæðum til lágþrýstisvæða. Í staðinn er loftinu ýtt til vesturs á norðurhveli jarðar og til austurs á suðurhvelinu. Nánar er skýrt frá þessu í svari Haraldar Ólafssonar og Þorsteins Vilhjálmssonar við spurningunni: Af hverju er vindur í lægðum alltaf rangsælis á norðurhveli jarðar?

Vindorka er orkan sem falin er í hreyfiorku vinds. Menn hafa lengi nýtt sér vindorku, til dæmis til siglinga.

Myndir:

• Mulan Wind Farm | Mulan is located approximately 170km north… | Flickr. (Sótt 6.09.2016). Myndin er birt undir leyfinu Creative Commons Attribution-NoDerivs 2.0 Generic (CC BY-ND 2.0).
• Fleet of grain junks sailing before a fair wind, Hunan, Ch… | Flickr. (Sótt 6.09.2016). Myndin er birt undir leyfinu Creative Commons Attribution 2.0 Generic (CC BY 2.0)

...