Lýsingarorðið hægri, sem notað er um stefnu eða horf en einnig um hönd er skylt lýsingarorðinu hægur 'þægilegur, auðveldur; rólegur'. Hægri er miðstig lýsingarorðsins og er til í nágrannamálum eins og í færeysku høgri, dönsku højre.
Vinstri er talið af germanskri rót *wen-, það er *wen-is-tra, sem er hin sama og í orðinu vinur. Í fornpersnesku er til orðið vairyastara í merkingunni 'vinstri' og er skylt germanska orðinu. Fornpersneska orðið er aftur skylt vairya - 'bestur, ákjósanlegur'.
Í orðsifjabók Ásgeirs Blöndals Magnússonar er bent á að óvenjulegt sé að orð höfð um vinstri hönd séu lofsyrði. Lastyrði séu mun algengari og merkingin þá venjulega 'skakkur, öfugur, máttlaus'. Ásgeir nefnir að menn hafi talið jákvæðu upphafsmerkinguna tengjast tilteknum fórnarsiðum eða töfraathöfnum eða að orðið væri upprunalega blíðkunar- og gæluyrði.
Heimild: Ásgeir Blöndal Magnússon. Íslensk orðsifjabók. Reykjavík 1989.
Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Sólin
Rís 03:27 • sest 23:37
Tunglið
Rís 00:59 • Sest 10:34
Flóð
Árdegis: 09:54 • Síðdegis: 22:15
Fjara
Árdegis: 03:51 • Síðdegis: 15:54
