Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Orðið rogastans merkir ‘mikil undrun’ og er nær eingöngu notað í orðasambandinu að einhvern reki í rogastans ‘einhver verður mjög hissa’. Orðið er samsett úr roga- og nafnorðinu stans ‘dvöl, töf’.
Það er sagt að menn reki í rogastans þegar þeir verða mjög hissa.
Roga- er svokallaður ‘herðandi forliður’ sem notaður er í ýmsum orðum, til dæmis rogareiður, rogaskamma, rogaskammir, rogastór, rogastreita, rogasvimi, rogavitlaus. Hann er dreginn af nafnorðinu rog ‘erfiði’. Stans er leitt af sögninni stansa ‘nema staðar, stöðva’, gamalli tökusögn úr dönsku. Líkingin í orðasambandinu er líklega að einhver er stöðvaður mjög skyndilega.
Mynd:
Guðrún Kvaran. „Hvað er átt við þegar sagt er að einhvern reki í rogastans?“ Vísindavefurinn, 8. maí 2008, sótt 18. febrúar 2025, https://visindavefur.is/svar.php?id=31931.
Guðrún Kvaran. (2008, 8. maí). Hvað er átt við þegar sagt er að einhvern reki í rogastans? Vísindavefurinn. https://visindavefur.is/svar.php?id=31931
Guðrún Kvaran. „Hvað er átt við þegar sagt er að einhvern reki í rogastans?“ Vísindavefurinn. 8. maí. 2008. Vefsíða. 18. feb. 2025. <https://visindavefur.is/svar.php?id=31931>.