Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Hvað er það helsta sem einkennir spendýrin?




Það sem helst einkennir spendýr og greinir þau frá öðrum dýrum eru tvö atriði:
  • Spendýr hafa svokallaða mjólkurkirtla (e. mammary glands) sem veitir afkvæmum þeirra næringu.
  • Flest spendýr hafa loðinn feld sem veitir þeim skjól. Mörg spendýr hafa raunar tapað hárum sínum eftir því sem liðið hefur á þróunarsöguna. Þetta á ekki síst við um hvali en áar þeirra voru hærðir og nýbornir hvalkálfar hafa hár sem þeir tapa þó fljótt.

Nokkur önnur og minna áberandi einkenni finnast einungis meðal spendýra:
  • Bein í miðeyra. Þrjú lítil bein leiða hljóðbylgur gegnum miðeyrað í spendýrum. Þessi bein nefnast hamar, steðji og ístað, sjá nánar á mynd.


  • Neðri kjálkinn tengist beint við hauskúpuna hjá spendýrum en hjá öðrum hryggdýrum tengist hann við ákveðið bein sem nefnist þverbein (e. quadrate bone) og það tengist svo hauskúpunni.
  • Þindin skilur að brjósthol og meltingarhol í spendýrum en ekki í öðrum hryggdýrum.
  • Rauðu blóðkornin eru þroskuð og kjarnalaus í spendýrum en í öðrum hryggdýrum eru þau með kjarna.
Fleiri atriði má finna sem greinir spendýr frá öðrum hópum dýra en þau verða ekki nefnd hér.

Heimildir og myndir:

Útgáfudagur

28.4.2003

Spyrjandi

Lilja Guðmundsdóttir, f. 1990

Efnisorð

Höfundur

Jón Már Halldórsson

líffræðingur

Tilvísun

Jón Már Halldórsson. „Hvað er það helsta sem einkennir spendýrin?“ Vísindavefurinn, 28. apríl 2003. Sótt 11. desember 2017. http://visindavefur.is/svar.php?id=3370.

Jón Már Halldórsson. (2003, 28. apríl). Hvað er það helsta sem einkennir spendýrin? Vísindavefurinn. Sótt af http://visindavefur.is/svar.php?id=3370

Jón Már Halldórsson. „Hvað er það helsta sem einkennir spendýrin?“ Vísindavefurinn. 28. apr. 2003. Vefsíða. 11. des. 2017. <http://visindavefur.is/svar.php?id=3370>.

Chicago | APA | MLA

Sendu inn spurningu
eða

Vísindadagatalið

Babúskur

Babúskur eru rússneskar að uppruna en gætu átt sér japanska fyrirmynd. Fyrsta rússneska babúskan var gerð undir lok 19. aldar. Babúskur eru málaðar tréfígúrur í mismunandi stærðum sem raðast saman hver inn í aðra. Fígúrurnar eru af ýmsum toga, t.d. fjölskylda, ævintýrapersónur eða stjórnmálamenn. Babúska merkir ‚amma‘ eða ‚gömul kona‘ á rússnesku. Erlendis þekkjast babúskur undir heitinu matryoshka.