Sólin
Rís 05:15 • sest 21:38
Tunglið
Rís 01:18 • Sest 04:30
Flóð
Árdegis: 07:36 • Síðdegis: 19:53
Fjara
Árdegis: 01:39 • Síðdegis: 13:42
Hver er fjölmennasti bærinn á Austurlandi? Þá er ég ekki að tala um sveitarfélag heldur stað.Samkvæmt upplýsingum á heimasíðu Hagstofu Íslands áttu 11.755 manns lögheimili á Austurlandi þann 1. desember 2002. Af þeim voru 9.882 (84%) skráðir til heimilis í einhverjum af hinum 17 byggðakjörnum Austurlands, en íbúar í dreifbýli töldust 1.873. Eins og sjá má í töflu 1 hér að neðan, sem upprunnin er á heimasíðu Hagstofunnar, eru þrír byggðakjarnar á Austurlandi með yfir 1.000 íbúa. Stærsti byggðakjarninn er Höfn með 1.763 íbúa þann 1. desember 2002. Það þýðir að rétt um 15% Austfirðinga búi á Höfn. Nærst stærsti byggðakjarninn er Egilsstaðir með 1.643 íbúa og svo Neskaupstaður með 1.395 íbúa. Fámennustu austfirsku byggðakjarnarnir sem tilgreindir eru hjá Hagstofunni eru Eiðar með 29 íbúa og Hallormsstaður með 60 íbúa.
Hér hefur verið greint frá íbúafjölda í einstökum byggðakjörnum en varast ber að rugla saman byggðakjörnum og sveitarfélögum. Í einu sveitarfélagi geta verið fleiri en einn byggðakjarni auk íbúa í dreifbýli. Ef skoðað er hvernig Austfirðingar skiptast á milli sveitarfélaga (tafla 2) þá kemur í ljós að Fjarðabyggð var fjölmennasta sveitarfélagið í lok árs 2002 með 3.057 íbúa, Sveitarfélagið Hornafjörður var næst fjölmennast með 2.332 íbúa og Austur-Hérað var í þriðja sæti með 2.061 íbúa. Þrjú sveitarfélög voru með innan við 100 íbúa en það eru Mjóafjarðarhreppur með 36 íbúa, Fáskrúðsfjarðarhreppur með 57 íbúa og Fljótsdalshreppur með 84 íbúa.Tafla 1. Íbúar á Austurlandi 1. desember 2002 – skipt eftir byggðakjörnum.
Byggðakjarni Íbúar Höfn, Sveitarfélaginu Hornafirði 1.763 Egilsstaðir, Austur-Héraði 1.643 Neskaupstaður, Fjarðabyggð 1.395 Eskifjörður, Fjarðabyggð 966 Seyðisfjörður 749 Reyðarfjörður, Fjarðabyggð 625 Vopnafjörður, Vopnafjarðarhreppi 592 Fáskrúðsfjörður, Búðarhreppi 569 Djúpivogur, Djúpavogshreppi 383 Fellabær, Fellahreppi 362 Stöðvarfjörður, Stöðvarhreppi 276 Breiðdalsvík, Breiðdalshreppi 182 Bakkafjörður, Skeggjastaðahreppi 114 Borgarfjörður eystra, Borgarfjarðarhreppi 96 Nesjakauptún, Sveitarfélaginu Hornafirði 78 Hallormsstaður, Austur-Héraði 60 Eiðar, Austur-Héraði 29 Strjálbýli á Austurlandi 1.873 Samtals 11.755
Að lokum má geta þess að samhliða Alþingiskosningunum í maí 2003 kusu íbúar Stöðvarhrepps og Búðahrepps um sameiningu sveitarfélaganna og var hún samþykkt í báðum hreppum. Þegar sameiningin tekur gildi verður hið nýja sveitarfélag það fjórða fjölmennasta á Austurlandi með tæplega 850 íbúa ef miðað er við fólksfjöldatölur frá 1. desember 2002.Tafla 2. Íbúar á Austurlandi 1. desember 2002 – skipt eftir sveitarfélögðum.
Sveitarfélag Íbúar Fjarðabyggð 3.057 Sveitarfélagið Hornafjörður 2.332 Austur-Hérað 2.061 Vopnafjarðarhreppur 762 Seyðisfjörður 749 Búðahreppur 569 Djúpavogshreppur 498 Fellahreppur 443 Norður-Hérað 286 Stöðvarhreppur 276 Breiðdalshreppur 267 Borgarfjarðarhreppur 140 Skeggjastaðahreppur 138 Fljótsdalshreppur 84 Fáskrúðsfjarðarhreppur 57 Mjóafjarðarhreppur 36 Samtals 11.755
