Senda inn spurningu
Sólin Sólin Rís 05:15 • sest 21:38 í Reykjavík
Tunglið Tunglið Rís 01:18 • Sest 04:30 í Reykjavík
Flóð Flóð Árdegis: 07:36 • Síðdegis: 19:53 í Reykjavík
Fjaran Fjara Árdegis: 01:39 • Síðdegis: 13:42 í Reykjavík
Visit the English version

Flokkun:

Félagsvísindi Lögfræði

Hafa skólar vald til að láta börn undir lögaldri skrifa undir agabrot án þess að tilkynna foreldrum það?

Magnús Viðar Skúlason

Á Íslandi gilda lög um grunnskóla sem sett voru árið 1995 (lög nr. 66/1995) og fjalla þau um starfsumhverfi skóla, þjónustu og skyldur sem hvíla á skólastjórn og nemendum sem sækja grunnskóla.

Hér á landi er einnig í gildi reglugerð frá menntamálaráðuneytinu um skólareglur í grunnskólum. Í þeim er skýrt kveðið á um það að foreldrar/forráðamenn skuli látnir vita ef eitthvað kemur fyrir barnið á skólatíma, hvort sem það tengist meiðslum eða óvandaðri hegðun. Þetta er meginreglan í reglugerðinni.

Skólayfirvöldum er óheimilt að grípa til agaviðurlaga gagnvart nemendum ef um ítrekuð agabrot er um að ræða nema foreldrum sé tilkynnt um það. Skólanum er hinsvegar heimilt að vara nemendur við og veita áminningu eftir því sem þurfa þykir án þess að bera það sérstaklega undir forráðamenn, enda eiga þau viðurlög og áminningar að hvetja nemendur til bættrar hegðunar.

Hvort skólayfirvöldum beri að tilkynna um agabrot eða ekki virðist því markast af því hvort það sé ítrekað eða alvarlegt. Í tilfelli líkamsárása eða skaða á eignum, skal hins vegar alltaf láta forráðamenn vita.

Eðlilegt þykir þó að láta forráðamenn vita af öllum þeim atvikum sem koma upp í skólastarfi, þó svo um lítilsháttar agabrot sé að ræða enda eiga samskipti foreldra og skóla að grundvallast á gagnkvæmri virðingu, kurteisislegri framkomu og tillitsemi, skv. 5. gr. 1. mgr. reglugerðarinnar.

Höfundur

Magnús Viðar Skúlason

laganemi við Háskóla Íslands

Útgáfudagur

23.7.2003

Spyrjandi

N.N.

Efnisorð

Tilvísun

Magnús Viðar Skúlason. „Hafa skólar vald til að láta börn undir lögaldri skrifa undir agabrot án þess að tilkynna foreldrum það?“ Vísindavefurinn, 23. júlí 2003. Sótt 26. apríl 2024. http://visindavefur.is/svar.php?id=3602.

Magnús Viðar Skúlason. (2003, 23. júlí). Hafa skólar vald til að láta börn undir lögaldri skrifa undir agabrot án þess að tilkynna foreldrum það? Vísindavefurinn. Sótt af http://visindavefur.is/svar.php?id=3602

Magnús Viðar Skúlason. „Hafa skólar vald til að láta börn undir lögaldri skrifa undir agabrot án þess að tilkynna foreldrum það?“ Vísindavefurinn. 23. júl. 2003. Vefsíða. 26. apr. 2024. <http://visindavefur.is/svar.php?id=3602>.

Chicago | APA | MLA

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hafa skólar vald til að láta börn undir lögaldri skrifa undir agabrot án þess að tilkynna foreldrum það?
Á Íslandi gilda lög um grunnskóla sem sett voru árið 1995 (lög nr. 66/1995) og fjalla þau um starfsumhverfi skóla, þjónustu og skyldur sem hvíla á skólastjórn og nemendum sem sækja grunnskóla.

Hér á landi er einnig í gildi reglugerð frá menntamálaráðuneytinu um skólareglur í grunnskólum. Í þeim er skýrt kveðið á um það að foreldrar/forráðamenn skuli látnir vita ef eitthvað kemur fyrir barnið á skólatíma, hvort sem það tengist meiðslum eða óvandaðri hegðun. Þetta er meginreglan í reglugerðinni.

Skólayfirvöldum er óheimilt að grípa til agaviðurlaga gagnvart nemendum ef um ítrekuð agabrot er um að ræða nema foreldrum sé tilkynnt um það. Skólanum er hinsvegar heimilt að vara nemendur við og veita áminningu eftir því sem þurfa þykir án þess að bera það sérstaklega undir forráðamenn, enda eiga þau viðurlög og áminningar að hvetja nemendur til bættrar hegðunar.

Hvort skólayfirvöldum beri að tilkynna um agabrot eða ekki virðist því markast af því hvort það sé ítrekað eða alvarlegt. Í tilfelli líkamsárása eða skaða á eignum, skal hins vegar alltaf láta forráðamenn vita.

Eðlilegt þykir þó að láta forráðamenn vita af öllum þeim atvikum sem koma upp í skólastarfi, þó svo um lítilsháttar agabrot sé að ræða enda eiga samskipti foreldra og skóla að grundvallast á gagnkvæmri virðingu, kurteisislegri framkomu og tillitsemi, skv. 5. gr. 1. mgr. reglugerðarinnar....