Undirrituð hefur aldrei heyrt um það að sykur sé góður fyrir pottaplöntur. Aftur á móti er gott að vökva þær með köldu kartöflusoði en í því er að finna ýmis næringarefni sem plöntur þurfa á að halda.

Sykur er hins vegar góður fyrir afskorin blóm og í blómaáburði sem oft fylgir afskornum blómum er mikill sykur. Sumir gefa afskornum blómum 7-Up eða annan sætan drykk. Nánar má lesa um þetta á vefsíðu Bændasamtaka Íslands.

Mynd: Gróðrarstöðin Réttarhóll