Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hver var gríski djöfullinn Demogorgon?

Nafnið Demogorgon er ekki komið frá Forngrikkjum heldur virðist það fyrst hafa verið notað snemma á miðöldum (um 450) um undirheimaguð.

Í sumum heimildum er talið að orðið hafi einfaldlega verið misritun á orðinu demiurgos sem merkti 'handverksmaður' og síðar 'skapari'. Í heimspeki Platons er demiurgos haft yfir þann sem smíðar hinn sýnilega heim. Samkvæmt OED þykir þessi útskýring á tilurð orðsins vafasöm.

Ítalski rithöfundurinn Giovanni Boccaccio (1313-1375) tók orðið upp eftir fornum miðaldaheimildum í riti sínu Genealogia Deorum eða Ættfræði guðanna og þar er Demogorgon sagður vera forfaðir allra guða.

Frá Boccaccio ratar Demogorgon inn í ýmsa texta bókmenntasögunnar. Hann er til að mynda að finna hjá ítalska rithöfundinum Lodovico Ariosto (1474-1533), í The Faerie Queene eftir Edmund Spenser (um 1552-1599), í Parardísarmissi Miltons (1608-1974) og í ljóðleiknum Prómeþeifur leystur eftir Percy Bysshe Shelley (1792-1822).

Heimildir: Leitarorðin 'demogorgon' og 'demiurge' hjá:

Útgáfudagur

31.8.2004

Spyrjandi

Ingimar Atli Arnarson

Höfundur

Jón Gunnar Þorsteinsson

bókmenntafræðingur og ritstjóri Vísindavefsins

Tilvísun

JGÞ. „Hver var gríski djöfullinn Demogorgon?“ Vísindavefurinn, 31. ágúst 2004. Sótt 17. ágúst 2018. http://visindavefur.is/svar.php?id=4489.

JGÞ. (2004, 31. ágúst). Hver var gríski djöfullinn Demogorgon? Vísindavefurinn. Sótt af http://visindavefur.is/svar.php?id=4489

JGÞ. „Hver var gríski djöfullinn Demogorgon?“ Vísindavefurinn. 31. ágú. 2004. Vefsíða. 17. ágú. 2018. <http://visindavefur.is/svar.php?id=4489>.

Chicago | APA | MLA

Sendu inn spurningu
eða

Vísindadagatalið

Sveinn Hákon Harðarson

1978

Sveinn Hákon Harðarson er lektor í lífeðlisfræði við Háskóla Íslands. Sveinn rannsakar súrefnisbúskap í sjónhimnu augans. Rannsóknarhópurinn sem Sveinn tilheyrir hefur á undanförnum árum þróað tækni til súrefnismælinga í sjónhimnu. Þá tækni hefur hópurinn nýtt til rannsókna á eðlilegri lífeðlisfræði sjónhimnu og þeim frávikum sem verða við sjúkdóma.