Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hver eru málin á A0-pappír?

Samkvæmt ISO-216 staðlinum gilda þessar reglur um A-röð pappírsarka:
  • Hlutfallið á milli lengdar og breiddar á blaði er ferningsrótin af tveimur, það er að segja að við fáum út ferningsrótina af 2 ef við deilum í lengd blaðsins með breidd þess.
  • Flatarmál A0 er einn fermetri.
  • Blað af stærðinni A1 fæst með því að skera A0 í tvo jafna hluta þvert yfir blaðið. Lengdin á A1 er því jöfn breiddinni á A0 og breiddin á A1 er helmingur af lengdinni á A0.
  • Allar aðrar minni stærðir í A-röðinni eru skilgreindar á sama hátt. Það er, ef blað af stærðinni An er skorið í tvo jafnstóra hluta samhliða styttri hlið blaðsins þá eru nýju blöðin 2 af stærðinni A(n + 1).
  • Stöðluð lengd og breidd er námunduð tala, gefin upp í millimetrum.

Smækkuð mynd af A0-blaði sem búið er að skipta upp í tvö A1-blöð þar sem efra A1-blaðinu er skipt upp í tvö A2 blöð, og vinstra A2-blaðinu er skipt upp í tvö A3-blöð, o.s.frv.

Þessar tölur gilda fyrir A-röðina:
  • A0 841 x 1189
  • A1 594 x 841
  • A2 420 x 594
  • A3 297 x 420
  • A4 210 x 297
  • A5 148 x 210
  • A6 105 x 148
Nú spyr sjálfsagt einhver hvernig í ósköpunum standi á því að menn hafi valið að hafa hlutfallið milli lengdar og breiddar einmitt ferningsrótina af tveimur. Svarið er að með því móti, og eingöngu með því móti, verða helminguðu blöðin í sömu hlutföllum og upphaflega blaðið.

Heimild: International Standard Paper Sizes

Útgáfudagur

19.10.2004

Spyrjandi

Dagbjört Matthíasdóttir
Ingibjörg Hilmarsdóttir

Höfundur

Jón Gunnar Þorsteinsson

bókmenntafræðingur og ritstjóri Vísindavefsins

Tilvísun

Jón Gunnar Þorsteinsson. „Hver eru málin á A0-pappír?“ Vísindavefurinn, 19. október 2004. Sótt 18. ágúst 2018. http://visindavefur.is/svar.php?id=4563.

Jón Gunnar Þorsteinsson. (2004, 19. október). Hver eru málin á A0-pappír? Vísindavefurinn. Sótt af http://visindavefur.is/svar.php?id=4563

Jón Gunnar Þorsteinsson. „Hver eru málin á A0-pappír?“ Vísindavefurinn. 19. okt. 2004. Vefsíða. 18. ágú. 2018. <http://visindavefur.is/svar.php?id=4563>.

Chicago | APA | MLA

Sendu inn spurningu
eða

Vísindadagatalið

Múmíur

Múmíur eru líkamsleifar sem hafa vísvitandi verið verkaðar þannig að þær geti varðveist. Í sumum fornum menningarsamfélögum tíðkaðist að smyrja lík og fjarlægja innyfli til að varðveita líkamann. Múmíur geta líka orðið til fyrir slysni. Ísmaðurinn Ötzi, sem var uppi fyrir um 5.000 árum, er dæmi um það. Í sumum mammútum, sem hafa fundist, hefur hold, hár og magainnihald varðveist.