Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað er langt á milli Egilsstaða og Reykjavíkur?

Upprunalega spurningin hljóðaði svona:
Hvað er langt í km á milli Egilsstaða og Reykjavíkur (bæði norður- og suðurleið)?

Á heimasíðu Vegagerðarinnar er að finna ýmsan fróðleik og tölulegar upplýsingar um vegakerfið, meðal annars upplýsingar um vegalengdir á milli staða. Þar kemur fram að vegalengdin á milli Egilsstaða og Reykjavíkur ef farið er um Norðurland er 654 km en ef ekið er um Suðurland er vegalengdin 698 km. Það er því 44 km lengra að fara suður um land.

Fyrir opnun Hvalfjarðarganga munaði ekki miklu á vegalengd hvort farið var um Norðurland eða Suðurland þegar ekið var á milli Egilsstaða og Reykjavíkur. Göngin undir Hvalfjörð styttu hins vegar leiðina norður um land um 42 km.

Leiðin um Suðurland styttst þó um nálega 60 km ef vegur um Öxi er farinn. Það er hins vegar ekki heilsársvegur.



Þegar val stendur á milli tveggja eða fleiri leiða á milli áfangastaða skiptir vegalengdin að sjálfsögðu miklu máli en segir þó ekki alla söguna. Einnig þarf að taka tillit til ástands vega, til dæmis hvort einhver hluti leiðarinnar er ekki lagður bundnu slitlagi. Jafnframt skiptir lega vega máli, til dæmis hversu margir fjallvegir eru á leiðinni.

Til samanburðar má að lokum geta þess að loftlínan á milli Egilsstaða og Reykjavíkur er 381 km eins og lesa má í svari sama höfundar við spurningunni Hve löng er loftlínan á milli Reykjavíkur og Egilsstaða annars vegar og Hafnar í Hornafirði og Egilsstaða hins vegar?

Útgáfudagur

7.12.2004

Spyrjandi

Ragnhildur Þóra

Höfundur

Emilía Dagný Sveinbjörnsdóttir

landfræðingur og starfsmaður Vísindavefsins

Tilvísun

EDS. „Hvað er langt á milli Egilsstaða og Reykjavíkur?“ Vísindavefurinn, 7. desember 2004. Sótt 20. nóvember 2017. http://visindavefur.is/svar.php?id=4647.

EDS. (2004, 7. desember). Hvað er langt á milli Egilsstaða og Reykjavíkur? Vísindavefurinn. Sótt af http://visindavefur.is/svar.php?id=4647

EDS. „Hvað er langt á milli Egilsstaða og Reykjavíkur?“ Vísindavefurinn. 7. des. 2004. Vefsíða. 20. nóv. 2017. <http://visindavefur.is/svar.php?id=4647>.

Chicago | APA | MLA

Sendu inn spurningu
eða

Vísindadagatalið

Svarti ferningurinn

Pólsk-rússneski málarinn og listfræðingurinn Kazimir Malevich málaði verk sem kallast Svarti ferningurinn árið 1915. Verkið er málaður svartur ferningur og er iðulega talið eitt af lykilverkum afstraktlistar. Hugtakið afstrakt er oftast notað um myndlist sem leitast ekki við að endurgera hinn sýnilega veruleika. Það er dregið af latneska orðinu abstrahere sem þýðir ‚draga frá‘.