Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað eru margar rafeindir á hverju hvolfi?

Hámarksfjöldi rafeinda á atómhvolfum (e. shell) er fundinn samkvæmt reikniaðgerðinni 2n2, þar sem n er númer hvolfs.

Rafeindir á sveimi umhverfis atómkjarna fyrirfinnast á afmörkuðum líkindasvæðum sem nefnast svigrúm en hægt er að lesa meira um þau í svari við spurningunni Hvað er lotukerfið?

Í hverju svigrúmi er rými fyrir tvær rafeindir hið mesta. Svigrúm eru táknuð sem ferningar á meðfylgjandi mynd. Svigrúm geta verið misorkurík, háð höfuðskammtatölum (n) og hverfiþungaskammtatölum (l; það er s-, p-, d- og f-svigrúm). Fjöldi svigrúma, og þar af leiðandi rafeindarými, er einnig háð n og l. Þetta er sýnt á meðfylgjandi mynd og töflu.

Hvolf (shell) nefnist það heildarrými (líkindasvæði) sem hýst getur rafeindir með sömu höfuðskammtatölu (n) í atómum. Hvolf eru auðkennd með bókstafstáknum (K, fyrir n = 1, L fyrir n = 2 o.s.frv.). Þetta er tilgreint í meðfylgjandi mynd og töflu. Hámarksfjöldi rafeinda í hvolfum er einnig tilgreindur í töflunni.




Hvolfnúmer/ höfuð-skammtatala/ n Bókstafstákn hvolfs Hámarksfjöldi s-rafeinda (l=0) Hámarksfjöldi p-rafeinda (l=1) Hámarksfjöldi d-rafeinda (l=2) Hámarksfjöldi f-rafeinda (l=3) Hámarksfjöldi rafeinda í hvolfi (=2n2)
1 K 2 - - - 2
2 L 2 6 - - 8
3 M 2 6 10 - 18
4 N 2 6 10 14 32

Heimildir:

Útgáfudagur

4.1.2005

Spyrjandi

Guðmundur Rúnar Einarsson, f. 1990

Höfundur

Ágúst Kvaran

prófessor í eðlisefnafræði við HÍ

Tilvísun

Ágúst Kvaran. „Hvað eru margar rafeindir á hverju hvolfi?“ Vísindavefurinn, 4. janúar 2005. Sótt 25. maí 2019. http://visindavefur.is/svar.php?id=4696.

Ágúst Kvaran. (2005, 4. janúar). Hvað eru margar rafeindir á hverju hvolfi? Vísindavefurinn. Sótt af http://visindavefur.is/svar.php?id=4696

Ágúst Kvaran. „Hvað eru margar rafeindir á hverju hvolfi?“ Vísindavefurinn. 4. jan. 2005. Vefsíða. 25. maí. 2019. <http://visindavefur.is/svar.php?id=4696>.

Chicago | APA | MLA

Sendu inn spurningu
eða

Vísindadagatalið

Hilmar Malmquist

1957

Hilmar J. Malmquist er líffræðingur og forstöðumaður Náttúruminjasafns Íslands. Auk starfa að náttúruvernd og umhverfismálum og miðlun náttúrufræða með kennslu, sýningahaldi og útgáfu, hefur Hilmar einkum sinnt rannsóknum í vatnavistfræði.