Hvers vegna er svona skrýtin lykt af gufunni á Hellisheiði?

Nafn þitt

Netfang þitt

Netfang móttakanda

Ruslpóstvörn =

Svar

Hvers vegna er svona skrýtin lykt af gufunni á Hellisheiði?
Lyktin frá borholum á Hellisheiði stafar af brennisteinsvetni (H₂S) í gufunni, en það er litlaus, baneitruð og eldfim lofttegund. Sagt er að þefskynið taki öllum mælitækjum fram við að greina mjög lítinn styrk brennisteinsvetnis í andrúmsloftinu, en aukist styrkurinn hættir nefið að skynja lyktina og jafnframt verður það lífshættulegt, eitraðra en koleinoxíð (CO). Þar við bætist að H₂S er þyngra en andrúmsloftið og getur því lagst í dældir eða safnast fyrir í leiðslum og tönkum — þetta gerðist sennilega á Hellisheiði fyrir skemmstu þegar tveir menn köfnuðu í röri sem staðið hafði lokað í nokkurn tíma.

Borhola á Hellisheiði.

Brennisteinsvetni myndast með ýmsum hætti, meðal annars af völdum baktería í mýrum og í iðrum manna og í jarðhitakerfum við niðurbrot brennisteinssteinda, til dæmis segulkíss (FeS):

FeS = Fe²⁺ + S^2-

S^2- + 2H⁺ = H₂S

Fúlilækur (Jökulsá á Sólheimasandi) dregur nafn sitt af „jöklafýlu“ sem af henni leggur og kemur frá jarðhitakerfi undir Mýrdalsjökli.

Mynd:

• valgeirb.blog.is

...