Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Er líklegt að loftsteinn klessi á jörðina og grandi henni og okkur?

Loftsteinar eru alltaf að lenda á jörðinni.. Flestir steinanna eru þó það smáir að þeir brenna upp í lofthjúpnum. Líklega ná þó um 500 lofsteinar til jarðar daglega en fæstir finnast. Mestar líkur eru nefnilega á því að þeir lendi í úthöfunum eða fjarri mannabyggð, til dæmis á Suðurskautslandinu.

Árekstrar við stór fyrirbæri eru ekki algeng. Vísindamenn telja að einu sinni á 100 ára fresti rekist fyrirbæri á stærð við fótboltavöll á jörðina. Það gerðist síðast árið 1909 í Tunguska í Síberíu. Um það er hægt að lesa meira í svari við spurninunni Hvað gerðist í Tunguska í Síberíu?



Kort sem sýnir staðsetningu 160 árekstrargíga eða ummerkja eftir fyrirbæri utan úr geimnum. Með því að smella á kortið má sjá stærri eintak af því. Þá sést betur hvernig gígarnir eru flokkaðir eftir stærð.

Árekstur halastjörnu eða smástirni sem er nokkrir kílómetrar að stærð gæti orðið á um milljón ára fresti, en margt er þó óljóst um það.. Árekstrar enn stærri fyrirbæra verða kannski á um 100 millljón ára fresti.

Flestir vísindamenn telja að risaeðlurnar hafi dáið út í ægilegum náttúruhamförum fyrir 65 milljón árum. Vel gæti verið að þá hafi lofsteinn eða lofsteinar rekist á jörðina með þeim afleiðingum að um 70% allra lífvera sem þá lifðu hafi þurrkast út.

Um tíma var talið að smástirnið 2003 QQ47 rækist á jörðina árið 2014. Vísindamenn hafa þó reiknað út að engin hætta sé á árekstri þess við jörðina. Um þetta er hægt að lesa meira í svari við spurningunni Rekst stór loftsteinn eða smástirni á jörðina árið 2014 eða 2036?

Svarið við spurningunni er þess vegna að það er alls ekki líklegt að lofsteinn grandi jörðinni en stórir árekstrar sem hafa mikil áhrif á lífið á jörðinni eru þó vel hugsanlegir, þó þeir gerist afar sjaldan.

Frekara lesefni á Vísindavefnum:

Mynd: Of Meteors and Meteorites á vef North Dakota Geological Survey. Sótt 7. 3. 2008.


Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.

Útgáfudagur

30.9.2008

Spyrjandi

Soffía Lára Snæbjörnsdóttir, f. 1993
Anna Björk Hilmarsdóttir, f. 1993

Höfundur

Tilvísun

JGÞ. „Er líklegt að loftsteinn klessi á jörðina og grandi henni og okkur?“ Vísindavefurinn, 30. september 2008. Sótt 20. mars 2019. http://visindavefur.is/svar.php?id=49336.

JGÞ. (2008, 30. september). Er líklegt að loftsteinn klessi á jörðina og grandi henni og okkur? Vísindavefurinn. Sótt af http://visindavefur.is/svar.php?id=49336

JGÞ. „Er líklegt að loftsteinn klessi á jörðina og grandi henni og okkur?“ Vísindavefurinn. 30. sep. 2008. Vefsíða. 20. mar. 2019. <http://visindavefur.is/svar.php?id=49336>.

Chicago | APA | MLA

Sendu inn spurningu
eða

Vísindadagatalið

Jón Snædal

1950

Jón Snædal hefur unnið mestan sinn starfsaldur á öldrunarlækningadeild Landspítalans. Meginviðfangsefni hans hafa verið Alzheimers-sjúkdómur og aðrir sjúkdómar sem valda heilabilun.