Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hver er staðan á þágufallssýki í dag? Stendur yfirvöldum á sama?

Spurningin í heild sinni hljóðaði svona:
Hver er staðan á þágufallssýki í dag? Stendur yfirvöldum á sama? Verður bráðum jafnrétt að segja "mig langar" og "mér langar"?


Önnur spurning um sama efni: Er því mögulegu að vera svo langt leiddum í þágufallssýki að öllu því sem manni mælir sé í þágufalli?
Vísindavefurinn krefst þess að algjört jafnræði ríki meðal falla landsins. Í fyrirmyndarríki framtíðarinnar skulu öll föll vera frjáls undan forsetningum, mannasetningum og kennisetningum.

Í framtíðinni verða engir þágufallssjúkir, nefnifallsveikir, þolfallssýktir eða eignarfallsstola. Allir hafa fullan rétt til að fallbeygja eins og þá lystir, hver eftir sínu nefi, lengi lifi búrmæltir, þvoglmæltir og völumæltir!

Í framtíðinni getur hið opinbera, mannanafnanefndin, beygingarvaldið eða fallákvörðunarnefndin ekki ákvarðað hvernig frjálsir borgarar fallbeygja frjáls orð þessa lands.

Sá maður sem nefnir nefnifallið, notar nefnifall, sá sem þolir þolfallið, öðlast þolfall, sá sem þiggur þágufallið hlýtur þágufall, og sá sem eignar sér eignarfallið skal uppskera eilíft eignarfall.

Lestu þennan texta í nefnifalli, þolfalli, þágufalli og eignarfalli.


Lesendur eru minntir á að þetta er föstudagssvar. Ef einhver tekur alvarlega eitthvað sem í því stendur er það algerlega á eigin ábyrgð hans eða hennar.

Útgáfudagur

3.6.2005

Spyrjandi

Hörður Jóhannesson, Baldvin Sveinbjörnsson

Höfundur

Ritstjórn

ritstjórn Vísindavefsins

Tilvísun

Ritstjórn. „Hver er staðan á þágufallssýki í dag? Stendur yfirvöldum á sama?“ Vísindavefurinn, 3. júní 2005. Sótt 22. nóvember 2017. http://visindavefur.is/svar.php?id=5031.

Ritstjórn. (2005, 3. júní). Hver er staðan á þágufallssýki í dag? Stendur yfirvöldum á sama? Vísindavefurinn. Sótt af http://visindavefur.is/svar.php?id=5031

Ritstjórn. „Hver er staðan á þágufallssýki í dag? Stendur yfirvöldum á sama?“ Vísindavefurinn. 3. jún. 2005. Vefsíða. 22. nóv. 2017. <http://visindavefur.is/svar.php?id=5031>.

Chicago | APA | MLA

Sendu inn spurningu
eða

Vísindadagatalið

Loftsteinar

Aragrúi grjót- eða málmhnullunga er á sveimi um geiminn. Geimgrýtið kemur m.a. úr smástirnabelti sem er á milli Mars og Júpíters en líka úr halastjörnum. Þegar þessir steinar og ísagnir rekast á lofthjúp jarðar nefnast þeir loftsteinar. Líklega ná um 500 loftsteinar til jarðar á hverjum degi en fæstir þeirra finnast.