Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Segir maður stemming, stemning eða stemmning? Svarið fljótt því hér stefnir í hjónaskilnað!

Það fer líklega eftir stemningunni hverju sinni hvernig fólk vill bera orðið stemning fram. Í Íslenskri orðabók frá Eddu er tvenns konar ritháttur á orðinu tilgreindur. Annars vegar stemning með einu m-i og n-i og hins vegar stemming með tveimur m-um og án n.

Stemning merkir skap, geðblær eða einhvers konar hugrænt andrúmsloft. Til dæmis segja menn að 'hún hafi verið í stemningu' í merkingunni vel upplögð og að 'í salnum var góð stemming' sem þýðir þá að í salnum hafi verið gott andrúmsloft. Stemning er tökuorð úr dönsku stemning.


Fólk í góðri stemningu!

Spurningin í heild sinni hljóðaði svona:
Hvað er rétt að segja: stemming , stemning eða stemmning? Ég er að austan og veit ekki betur en að talað sé um stemmingu eða að það verði stemming. Getið þið útkljáð þetta svo að það verði ekki hjónaskilnaður!?

Heimildir:
  • Ásgeir Blöndal Magnússon, Íslensk orðsifjabók, Orðabók Háskólans, Reykjavík 1989.
  • Íslensk orðabók, þriðja útgáfa, ritstj. Mörður Árnason, Edda, Reykjavík 2002.

Mynd:

Útgáfudagur

10.2.2009

Spyrjandi

Snorri Halldórsson

Efnisorð

Höfundur

Tilvísun

JGÞ. „Segir maður stemming, stemning eða stemmning? Svarið fljótt því hér stefnir í hjónaskilnað!.“ Vísindavefurinn, 10. febrúar 2009. Sótt 26. júlí 2017. http://visindavefur.is/svar.php?id=51265.

JGÞ. (2009, 10. febrúar). Segir maður stemming, stemning eða stemmning? Svarið fljótt því hér stefnir í hjónaskilnað!. Vísindavefurinn. Sótt af http://visindavefur.is/svar.php?id=51265

JGÞ. „Segir maður stemming, stemning eða stemmning? Svarið fljótt því hér stefnir í hjónaskilnað!.“ Vísindavefurinn. 10. feb. 2009. Vefsíða. 26. júl. 2017. <http://visindavefur.is/svar.php?id=51265>.

Chicago | APA | MLA

Sendu inn spurningu
eða

Vísindadagatalið

Skakki turninn í Písa

Skakki turninn í borginni Písa á Ítalíu er 7 hæða hár klukkuturn sem er frægur fyrir að hallast ískyggilega. Byrjað var á smíði turnsins árið 1173 en henni lauk ekki fyrr en tæpum 200 árum seinna. Turninn hallast vegna þess grunnur hans nær aðeins 3 metra niður í jörðina og jarðvegurinn undir turninum gefur eftir. Á árunum 1990–2001 var dregið lítillega úr halla turnsins og hreyfing hans stöðvuð.