Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað hétu börn Snorra Sturlusonar?

Snorri Sturluson fæddist árið 1179. Hann var sonur Guðnýjar Böðvarsdóttur og Sturlu Þórðarsonar í Hvammi í Dölum, ættföður Sturlunga. Snorri var bæði goðorðs- og lögsögumaður þótt þekktastur sé hann líklega fyrir ritstörf sín. Snorri er meðal annars höfundur Snorra-Eddu og Heimskringlu, og sumir telja að hann hafi einnig skrifað Egils sögu. Snorri dó 23. september árið 1241 er Gissur Þorvaldsson og menn hans réðust inn á heimili hans í Reykholti og vógu hann.

Snorri átti fjórar dætur sem náðu fullorðinsaldri: Hallberu, Ingibjörgu, Vilborgu og Þórdísi. Hann átt einnig þrjá syni: Jón, Órækju og Þorstein. Með fyrstu konu sinni, Herdísi Bersadóttur, átti hann Hallberu og Jón "murt", en hann var svo kallaður vegna smæðar sinnar. Snorri giftist annarri konu sinni, Hallveigu Ormsdóttur, árið 1224, en átti engin börn með henni sem lifðu fram á fullorðinsár. Með frillu sinni, Guðrúnu Hreinsdóttur, átti Snorri aftur á móti Ingibjörgu sem síðar varð kona Gissurar Þorvaldssonar. Með Þuríði Hallsdóttur átti Snorri synina Órækju og Þorstein og dótturina Vilborgu. Enn ein barnsmóðir Snorra var svo Oddný, en föðurnafns hennar er ekki getið, og með henni átti hann Þórdísi.

Frekara lesefni á Vísindavefnum

Heimild og mynd


Þetta svar er eftir nemanda í Háskóla unga fólksins, námskeiðum á vegum HÍ fyrir 12-16 ára ungmenni í júnímánuði 2005.

Útgáfudagur

3.8.2005

Spyrjandi

Bryndis Hilmarsdóttir

Höfundur

nemandi í Háskóla unga fólksins

Tilvísun

Birta María Gísladóttir. „Hvað hétu börn Snorra Sturlusonar?“ Vísindavefurinn, 3. ágúst 2005. Sótt 23. september 2019. http://visindavefur.is/svar.php?id=5174.

Birta María Gísladóttir. (2005, 3. ágúst). Hvað hétu börn Snorra Sturlusonar? Vísindavefurinn. Sótt af http://visindavefur.is/svar.php?id=5174

Birta María Gísladóttir. „Hvað hétu börn Snorra Sturlusonar?“ Vísindavefurinn. 3. ágú. 2005. Vefsíða. 23. sep. 2019. <http://visindavefur.is/svar.php?id=5174>.

Chicago | APA | MLA

Sendu inn spurningu
eða

Vísindadagatalið

Þórdís Þórðardóttir

1951

Þórdís Þórðardóttir er dósent í uppeldis- og menntunarfræði við Háskóla Íslands. Rannsóknir hennar eru innan mennta,- menningar og kynjafræða.