Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvar eru mestar líkur á því að finna demanta á Íslandi?

Demantar finnast ekki í náttúru Íslands, þannig að þeir sem hafa í hyggju að grafa eftir demöntum þurfa að leita annað. Demantar finnast helst í mjög fornu, basísku storkubergi og myndbreyttu bergi, en einnig í sand- og malarlögum, en þar sitja þeir eftir þegar mýkra berg eyðist.

Á kortinu hér fyrir neðan sjást helstu demantanámur heims, en þær eru flestar í Afríku enda kemur næstum því helmingur allra demanta sem fundist hafa frá Mið- og Suður-Afríku. Einnig hefur fundist nokkuð magn af demöntum í Kanada, Indlandi, Rússlandi, Brasilíu og Ástralíu.



Helstu demantanámur heims fyrr og nú.

Demantar myndast í möttli jarðar, á 120-200 km dýpi. Þar getur efni sem inniheldur kolefni verið bráðið en við sérstakar aðstæður, mjög mikinn þrýsting og hita á bilinu 900° – 1300°C geta atóm kolefnis raðast upp þannig að til verður demantur, sem er fast efni.

Heimildir og frekara lesefni:

Útgáfudagur

26.5.2009

Spyrjandi

María Haraldsdóttir, f. 1994

Höfundur

Tilvísun

JGÞ. „Hvar eru mestar líkur á því að finna demanta á Íslandi?“ Vísindavefurinn, 26. maí 2009. Sótt 23. nóvember 2017. http://visindavefur.is/svar.php?id=52814.

JGÞ. (2009, 26. maí). Hvar eru mestar líkur á því að finna demanta á Íslandi? Vísindavefurinn. Sótt af http://visindavefur.is/svar.php?id=52814

JGÞ. „Hvar eru mestar líkur á því að finna demanta á Íslandi?“ Vísindavefurinn. 26. maí. 2009. Vefsíða. 23. nóv. 2017. <http://visindavefur.is/svar.php?id=52814>.

Chicago | APA | MLA

Sendu inn spurningu
eða

Vísindadagatalið

Úlfaldar

Til úlfalda teljast tvær tegundir, kameldýr og drómedarar. Kameldýr hafa tvo hnúða á baki en drómedarar aðeins einn. Það er algengur misskilningur að hnúðarnir séu fylltir vökva og nýtist þess vegna sem hálfgerð vatnstunna í neyð. Í hnúðunum er fita sem dýrin geta umbreytt í næringu þegar lítið er um mat. Hjá kameldýrum getur hvor hnúður innihaldið allt að 36 kg af fitu.