Púður var upphaflega gert úr viðarkolum, brennisteini og saltpétri. Viðarkolin og brennisteinninn verka sem eldsneyti við sprenginguna en saltpéturinn gefur blöndunni súrefni. Hún verður því sérlega eldfim þar sem hún þarf ekki að fá súrefnið úr loftinu eins og venjulegast er við bruna. Þegar kviknar í púðrinu verður sprenging og hiti og ljós myndast.Púður af þessu tagi er oft nefnt svartpúður og á líklega rætur að rekja til Kína á 10. öld eða eitthvað fyrr. Í dag nota flugeldaframleiðendur kraftmeiri efni í púður. Sterkja, sykur og efni sem unnin eru úr jarðolíu eru notuð sem eldsneyti og efnið kalínklórat (e. potassium chlorate) er notað í staðinn fyrir saltpétur (e. potassium nitrate).
Hægt er að lesa meira um púður í fyrrnefndu svari um flugelda og einnig er vert að benda á svar Þorsteins Vilhjálmssonar við spurningunni Hvenær var byssan fundin upp? Mynd: Hér er einnig svarað spurningunni:
Hvaða efni eru í púðri?