Ef stækkunargler er notað til að auka birtumagn á sólarorkurafhlöður, hvaða áhrif hefur það þá? Getur slíkt skemmt rafhlöðuna eða tæki sem henni eru tengd?Stækkunargler heitir öðru nafni safngler, sem lýsir betur þeirri verkun sem hér er stefnt að. Glerið getur þjappað því ljósi sem á það fellur á flatarmál sem er minna en flatarmál glerins sjálfs og þannig aukið birtuna, en heildarljósmagnið eða heildarorka ljóssins er sú sama og fellur á glerið. Það er því ekkert gagn að þessari aðferð nema safnglerið hafi stærra flatarmál en sólarrafhlaðan. Rafhlöðuna ætti ekki að setja í brennipunkt, heldur velja henni stað þar sem bjarta svæðið frá safnglerinu þekur yfirborð hennar. Hvort þessi aðferð borgar sig eða ekki, fer eftir því hve dýrt er að búa til stórt safngler í stað þess að búa til stærri sólarrafhlöðu.
- Hvernig verkar sólarrafhlaða? eftir Jón Tómas Guðmundsson
- Hvernig get ég búið til sólarrafhlöðu og hvað þarf í hana? eftir Jón Tómas Guðmundsson
- Hvar eru orkulindir? eftir ÞV
- Hvernig urðu orkulindirnar til? eftir ÞV
- Hvað eru vind- og sólarorka? eftir Guðmund Kára Stefánsson